Heljarinnar framkvæmdir standa nú yfir við Borgarbraut 63 í Borgarnesi en búið er að rífa Sumarliðahús og byrjað að höggva vel í klettinn sem er þar innar á lóðinni. Í tilkynningu frá Borgarbyggð í dag kemur fram að fyrirhuguð er vinna við sprengingar og er reiknað með að sprengt verði einu sinni á dag um klukkan 15.00, næstu daga. Borgarverk sér um jarðvinnu og hefur Borgarverk sett sig í samband við starfsfólk fyrirtækja næst vinnusvæðinu.