medium

large

thumbnail

1536x1536

2048x2048

small

custom-size

Úr sarpi: „Lít mjög stoltur til baka á ferilinn minn“

Úr sarpi: Svona er ég

Aldarfjórðungur frá því Símenntun Vesturlands var stofnuð

Nemendur í Heiðarskóla fóru í haustferð

Grenndarstöðvum komið fyrir í Snæfellsbæ

Nýjar gangbrautir og göngustígar við Innnesveg

core/paragraph

Efsta lið Lengjudeildarinnar, Austfjarðarliðið FHL (Fjarðabyggð/ Höttur / Leiknir) mætti á Akranes og vann öruggan sigur á Skagakonum í ÍA; 1:3 í Akraneshöllinni í gær.

Eftir nokkuð jafnræði sem var með liðunum framan af leik skoraði FHL tvö mörk á á tveggja mínútna kafla. Fyrra markið kom þegar Samantha Rose Smith óð þá óáreitt upp völlinn og setti boltann af öryggi í markið. Mínútu síðar kom Emma Hawkins FHL í tveggja marka forystu þegar hún fékk boltann inn fyrir Skagavörnina og skoraði með lausu en hnitmiðuðu skoti. Var þetta 18. mark hennar í Lengjudeildinni í sumar. Staðan 0:2 í hálfleik.

Skagakonur byrjuðu ágætlega í síðari hálfleik en Samantha Rose Smith náði að skora nánast úr fyrstu sókn FHL í síðari hálfleik og koma liðinu í 0:3. Var þetta tíunda mark hennar í sumar. Hafði hún og Emma Hawkins skorað 28 mörk samtals fyrir FHL í sumar, gríðarlega öflugar amerískar konur þar á ferð.

Fjórum mínútum síðar náði Erna Björt Elíasdóttir að minnka muninn fyrir Skagakonur með laglegu marki þar sem hún snéri af sér tvo varnarmenn FHL og skoraði af öryggi í fjærhornið; 1:3. Lengra komust þær ekki en það munaði síðan hársbreidd á lokamínútunum að Lilja Björk Unnarsdóttir minnkaði muninn niður í eitt mark þegar hún átti hörkuskot sem fór í þverslána á marki FHL.

En sanngjarn sigur Austfjarliðsins í leiknum og hafa þær náð átta stiga forystu á toppi Lengjudeildarinnar og stefna af öryggi upp í Bestu deildina.

Skagastúlkur eru komnar niður í söunda sæti með 15 stig í tíu liða deild og er næsti leikur þeirra gegn Fram fimmtudaginn 25. júlí á Lambhagavellinum í Úlfarsárdal kl. 19:15.

Fréttaveita Vesturlands

Skagakonur réðu ekki við toppliðið