Sveitarfélagið Borgarbyggð hefur staðfest endurskoðun á húsnæðisáætlun sveitarfélagsins fyrir árið 2024. Áætlunin inniheldur miðspá um mannfjöldaþróun í sveitarfélaginu, sem gerir ráð fyrir að íbúum þar muni fjölga um 18% næstu tíu árin. Íbúafjölgun á síðasta ári var mun meiri en fyrri áætlun hafði gert ráð fyrir og mannfjöldaspá því endurskoðuð með tilliti til þess. Þetta kemur fram á heimasíðu húsnæðis- og mannvirkjastofnunar eða HMS.