medium

large

thumbnail

1536x1536

2048x2048

small

custom-size

Hittu nemendur í fjölmiðlanámi við HÍ

Bjarni Jónsson alþingismaður segir skilið við VG

Auður Kjartansdóttir býður sig fram í þriðja sæti hjá Sjálfstæðisfólki

Brynjar gerir tveggja ára samning við Víking

Tíu nýir þjálfarar í yngri flokkum hjá ÍA

Tók upp myndbönd við aksturinn

core/heading

<h2>Rætt við Hjördísi Pálsdóttur skipuleggjanda hátíðarinnar</h2>

core/paragraph

Heima í Hólmi tónlistarhátíð verður haldin í Stykkishólmi dagana 12. -13. júlí næstkomandi. Tónleikar verða haldnir við heimahús, í gömlu verbúðinni, Vatnasafninu og Norska húsinu. Blaðamaður Skessuhorns hitti Hjördísi Pálsdóttur að máli en hún hefur verið öflug í því að skapa og skipuleggja hátíðir í Stykkishólmi.

Sex hátíðir það sem af er ári

Hvernig er það hægt að bæjarfélag sem hefur um 1.300 íbúa geti verið svona öflugt að halda hátíðir? „Íbúar hér í Stykkishólmi og í nágrenni eru mjög öflugir í að mæta á viðburði en það er reynt að dreifa hátíðum yfir allt árið. Nú þegar hafa verið settar upp; Hræðileg helgi, Júlíana hátíð sögu og bóka, Stykkishólmur Cocktail weekend, Sátan og nú síðast Skotthúfan. Þetta verður því sjötta hátíðin sem verður haldin á þessu ári,“ segir Hjördís, en hún hefur komið að fjórum þeirra. Hún skipuleggur einnig Danska daga og Norðurljóshátíð ásamt öflugu fólki. Hátíðirnar sem haldnar eru í Stykkishólmi eru ýmist á vegum Félags atvinnulífs í Stykkishólmi, eða annarra aðila eða á vegum sveitarfélagsins, en Hjördís stendur ein að þessari hátíð.

core/image

<figure class="wp-block-image size-full is-style-default"><img src="https://umsjon.skessuhorn.is/wp-content/uploads/2024/07/Heima-i-Holmi-ny-tonlistarhatid-i-Stykkisholmi_2.jpg.png" alt="" class="wp-image-80553" /><figcaption>Flytjendur á Heima í Hólmi 2024.</figcaption></figure>

Þekkt fyrirkomulag

Heima hugmyndin er ekki ný af nálinni en Heima hátíðin í Hafnarfirði heldur upp á tíu ára afmæli sitt í ár en einnig hefur Heima-Skagi verið haldinn á Akranesi á undanförnum árum en þessar hátíðir hafa verið mjög vinsælar. „Við verðum með tónleika í Vatnasafninu þar sem hljómsveitin Glymur mun spila og í Norska húsinu þar sem hljómsveitin Blood Harmony mun spila en þeir staðir eru nokkuð þekktir sem tónleikastaðir en þessir útitónleikar við heimahús eru nokkuð sem ekki hefur verið gert hér. Það var mikill áhugi hjá íbúum Stykkishólms að bjóða fram húsnæði. Það verða m.a. tónleikar með Svenna Davíðs í bakgarðinum hjá Röggu og Gissuri og Berglindi Þorbergs, á Laufásvegi. Einnig verða tónleikar með Salsakommúnunni við bílskúrinn hjá Hjalta Kiddós og Önnu Margréti á Árnatúni. En síðan verða tónleikar í verbúðinni,“ segir Hjördís.

Verbúðin í Stykkishólmi

Við Reitarveg í Stykkishólmi er að finna húsnæði þar sem beitningarskúrar og frystar voru fyrir trillubáta. Nú hafa þessir skúrar verið endurbættir og verða tónleikar haldnir þar í tilefni Heima í Hólmi hátíðarinnar. „Ég hafði samband við aðila sem eru hér búnir að gera nokkur bil í verbúðinni upp og við verðum með tónleika á nokkrum stöðum hér. Í mismunandi bilum munu koma fram Bjartmar Guðlaugsson, Valdimar og Örn Eldjárn en einnig hljómsveitin Blood Harmony. Það er verið að breyta verbúðinni í íbúðir en einnig er skapandi rými hér að finna. Þessi staður er nokkuð óþekktur sem tónleikastaður en ég held að þetta eigi eftir að slá í gegn. Útsýnið yfir Breiðafjörð og tengingin við náttúru og sögu Stykkishólms er hér sem gerir þennan stað svona ótrúlega fallegan. Eigendurnir ætla til dæmis að bjóða gestum uppá heimatilbúna paellu og það verður fleira sem eigendur ætla að bjóða uppá. Það eru allir spenntir fyrir þessari hátíð og finn ég að það er mikill áhugi hjá íbúum Stykkishólms og nærsveita fyrir þessari hátíð og vonandi sjáum við sem flesta hér í Hólminn.

Í lokin vil ég koma á framfæri þakklæti til styrktaraðila hátíðarinnar og allra þeirra sem koma að hátíðinni.“ Frítt er inn á alla tónleika á hátíðinni en kostun hennar er á höndum 16 styrktaraðila sem eru: Uppbyggingasjóður Vesturlands, Sveitarfélagið Stykkishólmur, Þórsnes ehf., Verkalýðsfélag Snæfellinga, Arion banki, BB og synir ehf., Íslenska gámafélagið, Orkan, Rarik, Sæferðir, Brellinn ehf., Breiðasund ehf., Fosshótel Stykkishólmur, K Sigurðsson ehf., Marz ehf. og Skipper Restaurant.

<figure class="wp-block-image size-large is-resized is-style-default"><img src="https://umsjon.skessuhorn.is/wp-content/uploads/2024/07/Heima-i-Holmi-ny-tonlistarhatid-i-Stykkisholmi_3-1200x843.jpg" alt="" class="wp-image-80554" width="840" height="590" /><figcaption>Einn viðburðasalur í verbúðinni þaðan sem útsýnið er glæsilegt.</figcaption></figure>

Fréttaveita Vesturlands

Heima í Hólmi er ný tónlistarhátíð í Stykkishólmi