Umhverfisstofnun hefur birt drög að stjórnunar- og verndaráætlun rjúpu. Þetta er í fyrsta skipti sem slík áætlun er gefin út fyrir dýrastofn hér á landi. Í áætluninni er nýtt kerfi veiðistjórnunar kynnt, en í því felst meðal annars að veiðistjórnun verður svæðisbundin þar sem landinu er skipt í sex hluta. Auk þess hafa ný stofnlíkön verið þróuð sem munu reikna út ákjósanlega lengd veiðitímabils á hverju svæði.