Þrjátíu og einn nemandi úr framhaldsskólum víða um land tók við Menntaverðlaunum Háskóla Íslands við útskriftir úr skólunum í vor. Verðlaunin voru nú veitt í áttunda sinn. Markmiðið með Menntaverðlaunum HÍ er að verðlauna framhaldsskólanema sem hafa náð framúrskarandi árangri í námi til stúdentsprófs auk þess að hafa sýnt eftirtektarverða frammistöðu á sviði lista eða íþrótta, átt mikilvægt framlag til skólafélaga eða skólans eða sýnt þrautseigju við erfiðar aðstæður.