medium

large

thumbnail

1536x1536

2048x2048

small

custom-size

Fóru í glímuferð til Bandaríkjanna

Áskorun um að þingmenn sýni kjósendum stórhug

Bíó fyrir nemendur í Grundaskóla

Hittu nemendur í fjölmiðlanámi við HÍ

Bjarni Jónsson alþingismaður segir skilið við VG

Auður Kjartansdóttir býður sig fram í þriðja sæti hjá Sjálfstæðisfólki

core/paragraph

Silja Úlfarsdóttir hefur verið ráðin verkefnastjóri Unglingalandsmóts UMFÍ sem fram fer í Borgarnesi um verslunarmannahelgina í samstarfi við Ungmennasamband Borgarfjarðar (UMSB) og Borgarbyggð. Silja mun vinna með Ómari Braga Stefánssyni, framkvæmdastjóra móta UMFÍ, að skipulagningu mótsins.

Fram kemur á vef UMFÍ að Silja er Hafnfirðingur í húð og hár og landsþekkt sem afrekskona í frjálsum íþróttum á árum áður. Nú er hún þjálfari í hlaupum og frjálsum íþróttum hjá FH í Hafnarfirði. Hún hefur jafnframt unnið hjá ÍBR við viðburðahald og kynningarmál ásamt því að tengjast fleiri viðburðum. Silja heldur líka úti hlaðvarpinu Klefinn þar sem hún ræðir við íþróttafólk úr ýmsum greinum.

„Ég mætti á mitt fyrsta Unglingalandsmót UMFÍ með fjölskylduna á Sauðárkróki í fyrra. Þetta var stórskemmtileg helgi. Ég er mjög spennt að komast inn í teymi Unglingalandsmóts UMFÍ og að skipulagningu mótsins í Borgarnesi. Ég vonast líka til að sjá sem flesta þar,“ segir Silja í fréttinni á umfi.is.

Unglingalandsmót UMFÍ er fjölskyldu- og íþróttaviðburður sem hefur fest sig í sessi sem útihátíð ársins um hverja verslunarmannahelgi hjá fjölda fólks. Á Unglingalandsmóti UMFÍ geta 11-18 ára þátttakendur valið um að keppa í 18 greinum. Þar á meðal er badminton, bogfimi, borðtennis, frjálsar íþróttir, golf, glíma, grasblak, grashandbolti, kökuskreytingar og margar fleiri greinar. Passað er upp á að öll fjölskyldan hafi nóg að gera alla verslunarmannahelgina og geta mamma og pabbi og yngri og eldri systkini valið úr viðburðum. Tónleikar og uppákomur verða á hverju kvöldi með hressu og þekktu tónlistarfólki. Þátttökugjald á Unglingalandsmót UMFÍ er 9.400 krónur og er innifalið í því aðgangur að tjaldsvæði fyrir alla fjölskylduna, þátttaka í öllum keppnisgreinum, viðburðum og tónleikum á hverju kvöldi. Opnað verður fyrir skráningu á mótið 2. júlí næstkomandi á www.umfi.is

Fréttaveita Vesturlands

Silja ráðin verkefnastjóri Unglingalandsmóts UMFÍ