Það var ansi mikið undir þegar gömlu stórveldin, ÍA og KR, mættust á Elkem vellinum á Akranesi í gærkvöldi. Skagamenn gátu með sigri komið sér upp í fjórða sætið og KR reynt að koma sér ofar á töfluna eftir slæmt gengi undanfarið. Átta ár voru frá síðasta sigurleik ÍA á KR í deildinni og það var alveg ljóst frá byrjun leiks að leikmenn ÍA voru með smá blóðbragð í munni til að reyna að breyta því.