medium

large

thumbnail

1536x1536

2048x2048

small

custom-size

Öllum tilboðum hafnað í hafnarframkvæmdir í Ólafsvík

„Fjórðungsmótið verður frábært“

Byggingarframkvæmdir að hefjast á Kirkjubraut 39

Spilar á Hang hljóðfæri í Hallgrímskirkju

Víðsýni er verðmæt náttúruauðlind

Umferðareftirlit og lausaganga meðal verkefna lögreglu

core/paragraph

Birgir Þórisson var útnefndur bæjarlistamaður Akraness 2024 við hátíðlega athöfn á Akratorgi í gær á þjóðhátíðardaginn. Birgir var að vísu staddur erlendis en í fjarveru hans tóku þeir Hlynur og Arnar á móti viðurkenningunni.

Birgir hefur verið viðloðandi tónlist nær allt sitt líf, en hann ólst upp í Borgarnesi en býr nú ásamt fjölskyldu sinni á Akranesi. Hann stundaði nám við Tónlistarskóla Borgarfjarðar frá unga aldri bæði á trompet hjá Ólafi Flosasyni og á píanó, fyrst hjá Birnu Þorsteinsdóttur og seinna hjá Zsuzsönnu Budai. Hann útskrifaðist með framhaldsstig í píanóleik frá Tónlistarskóla Borgarfjarðar 2008. Birgir hefur einnig lokið miðprófi í rytmískum píanóleik frá tónlistarskóla FÍH og einleikaraprófi B.Mus. í klassískum píanóleik frá Listaháskóla Íslands.

„Birgir hefur brugðið sér í mörg hlutverk innan Tónlistarskólans á Akranesi. Hann spilaði með Lúðrasveit Akraness og tók nokkra tónfræðiáfanga innan skólans, en varð seinna starfsmaður skólans, eða frá árinu 2011 til 2023. Hann starfaði sem kennari, deildarstjóri og síðast sem aðstoðarskólastjóri. Birgir hefur verið meðleikari með ýmsum kórum, t.d. Samkór Mýramanna, Karlakórnum Söngbræðrum, Kvennakórnum Ymi og Kór Akraneskirkju, auk þess að hafa spilað með söngvurum við ýmis tækifæri og tekið þátt í stærri uppfærslum. Birgir hefur frá upphafi verið einn af aðalhlekkjum verkefnisins Skaginn syngur inn jólin, sem hefur fært Skagamönnum ómælda gleði undanfarin ár. Birgir var tónlistarstjóri Söngkeppni framhaldsskólanna 2018-19 og nú við leiksýninguna FROST sem er í sýningu í Þjóðleikhúsinu. En leið hans lá þangað í gegnum það að tónlistarstýra m.a. uppfærslum NFFA á Gauragangi og Grease og svo uppsetningu Skagaleikflokksins á Litlu Hryllingsbúðinni. Birgir hefur verið í nokkrum hljómsveitum og er meðlimur í vinsælustu stuðhljómsveit landsins, Stuðlabandinu og sæmir það honum vel enda mikill stuðmaður og gleðigjafi.“

Loks segir í umsögn menningarnefndar Akraneskaupstaðar: „Birgir er jákvæður einstaklingur með glaðlegt viðmót, hann er þægilegur í samskiptum og opinn og hvetjandi við nemendur og samstarfsfólk sitt. Hann er metnaðarfullur og vandvirkur í þeim verkefnum sem hann tekur að sér - og þau eru eins og fram hefur komið fjölmörg og fjölbreytt. Birgir er flinkur og fjölhæfur tónlistarmaður, sem gott og dýrmætt er að eiga að hér á Akranesi.“

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/06/17.-juni-vids-vegar-a-Vesturlandi_5-1200x800.jpg" alt="" class="wp-image-79600"/><figcaption>Þeir Hlynur og Arnar tóku við viðurkenningunni fyrir hönd Birgis. Hér eru þeir ásamt Haraldi bæjarstjóra og Guðríði formanni menningarnefndar. Ljósm. ki</figcaption></figure>

Fréttaveita Vesturlands

Birgir Þórisson er bæjarlistamaður Akraness 2024