Dagskrá sjómannadagsins á Akranesi var með hefðbundnu sniði. Dagskráin hófst með minningarstund í kirkjugarðinum, þá var messa í Akraneskirkju þar sem tveir sjómenn voru heiðraðir fyrir störf sín. Kellingar gengu sögugöngu og fræddu gesti um skólahald. Um klukkan 14 hófst dagskrá á bryggjunni og höfninni í umsjón Björgunarfélags Akraness. Veðrið hefur oft verið betra á sjómannadeginum á Akranesi, en margir létu það ekkert á sig fá. Meðal dagskrárliða var vígsla á nýjum björgunarbáti, kappróður og þá kom þyrla Landhelgisgæslunnar við. Á landi var björgunarfélagsfólk með ýmislegt til gamans fyrir börn og fullorðna og sýndi tækjabúnað sinn. Götubitabílar seldu veitingar. Í Jónsbúð seldi Slysavarnadeildin Líf veitingar.

mm/ Ljósm. ki/mm

Dagskrá sjómannadagsins á Akranesi hófst með messu í Akraneskirkju kl. 11. Þar voru tveir eldri sjómenn heiðraðir fyrir störf sín til sjós. Það voru þeir Eiríkur Dalmann Óskarsson og Páll Guðjón Hannesson. Að messu lokinni var gengið á Akratorg og blómsveigur lagður að minnismerki sjómanna á torginu. F.v. eru séra Þráinn Haraldsson sóknarprestur, Eiríkur Dalmann, Páll Guðjón og Vilhjálmur Birgisson formaður VLFA.

*Þyrla Landhelgisgæslunnar kom við og „bjargaði“ tveimur úr höfninni.*

*Björgunarfélagið sá um dagskrá sjómannadagsins á Akranesi. Hér er andlitsmálning í gangi.*

*Ánægðar með candy floss, þær Maja og Karolína.*

*Tæki og búnaður Björgunarfélags Akraness til sjós og lands var til sýnis.*

*Margrómað kaffihlaðborð Slysavarnadeildarinnar Lífar var í Jónsbúð.*

*Þeir Gísli, Gísli, Zophanias og Ketill spiluðu sjómannalög fyrir gesti í Jónsbúð.*

*Þeir Gísli, Gísli, Zophanias og Ketill spiluðu sjómannalög fyrir gesti í Jónsbúð.*

*Fremst á mynd eru Gísli, Siggi og Gísli.*

*Kellingar í sögugöngu sinni. Ljósm. Steinunn Jóhannesdóttir*

Sjómannadagurinn á Akranesi