medium

large

thumbnail

1536x1536

small

custom-size

Úrtaka Dreyra fyrir Fjórðungsmót

2048x2048

Þreklausir Skagamenn

„Fjórðungsmótið verður frábært“

Ráðherra opnar endurbættan veg að Djúpalónssandi

Harmonía-Samhljómur tónlistarfræðslu hlýtur styrk úr Lóu

Öllum tilboðum hafnað í hafnarframkvæmdir í Ólafsvík

core/paragraph

Á fimmtudag í síðustu viku voru teknar fyrstu skóflustungurnar að nýju íþróttahúsi við Heiðarborg í Hvalfjarðarsveit, en um er að ræða stærstu einstöku framkvæmd sveitarfélagsins í rúman áratug. Fram kemur á vef Hvalfjarðarsveitar að verkefnið eigi sér langa forsögu en vinna að því hófst í upphafi síðasta kjörtímabils. „Frá upphafi hefur verið vandað til verka á hverju stigi þess sem endurspeglast í þeim fjölda einstaklinga sem komið hafa að verkefninu, á einn eða annan hátt, í gegnum árin. Öllum þeim, hvort sem eru kjörnir fulltrúar, nefndarfólk, starfsfólk sveitarfélagsins eða utanaðkomandi sérfræðingar, eru færðar kærar þakkir fyrir þeirra vinnu og aðkomu að verkefninu hingað til. Húsið var hannað af ASK arkitektum og kann sveitarfélagið þeim allra bestu þakkir fyrir farsælt og gott samstarf.“

Fyrsti áfangi framkvæmdarinnar, þ.e. jarðvinna, uppsteypa, frágangur utanhúss ásamt grófjöfnun lóðar verður í höndum K16 ehf. en verkfræðistofan Efla mun sjá um verkefna- og byggingarstjórn ásamt byggingareftirliti. Áætluð verklok þessa fyrsta áfanga eru 1. júlí 2025.

„Bygging nýs íþróttahúss er framkvæmd sem lengi hefur verið beðið eftir og unnið að. Það er ekki einungis íþróttakennsla grunnskólabarna sem mun njóta nýrrar aðstöðu heldur svo ótal margt fleira sem nýja byggingin mun færa samfélaginu.“ Hugsunin er að með nýju íþróttahúsi verði Heiðarborg samfélagsmiðstöð sem rúmi skóla-, íþrótta, frístunda-, félags- og samkomustarf fyrir alla aldurshópa. „Þannig er markmiðið að styðja við og efla þróun íþrótta- og frístundastarfs í sveitarfélaginu og um leið stuðla að almennri lýðheilsu allra íbúa Hvalfjarðarsveitar t.a.m. með heilsueflingu og styrkingu forvarna,“ segir m.a. í fréttinni á vef Hvalfjarðarsveitar.

Skóflustungur að nýju íþróttahúsi við Heiðarborg