Á fundi bæjarstjórnar Akraness sem haldinn var í gær var samþykkt að skipulagslýsing Dalbrautarreits vegna Stillholts 23 og Dalbrautar 2 verði auglýst og kynnt. Um er að ræða breytingu á núverandi deiliskipulagi sem samþykkt var í bæjarstjórn Akraness í október árið 2017. Tilgangur með gerð skipulagslýsingar er að tryggja aðkomu almennings og hagsmunaaðila að skipulagsferlinu á fyrstu stigum þess, auka gagnsæi og gefa þeim sem koma að ferlinu betri yfirsýn frá fyrstu skrefum.