Nýr veitingastaður, sem heitir Mural, var opnaður á dögunum á Adventure Hótel Hellissandi. Veitingastaðurinn ber nafn sitt vegna þeirra fjölmörgu vegglistaverka sem er að finna á svæðinu. Undanfarna daga hefur listakonan Karen Ýr unnið myrkranna á milli, í ýmsum veðrum, við listaverkið sem nú er tilbúið. Verkið er vel sýnilegt frá þjóðveginum sökum þess að hótelið stendur fremst í þorpinu. Á því er landslag, fugl, norðurljós og hvítur refur.