medium

large

thumbnail

1536x1536

small

custom-size

Skógarstrandarvegur ekinn í sumarblíðunni

Klassart með tónleika í Hallgrímskirkju á sunnudaginn

Skátafélagið Örninn fór á landsmót

2048x2048

Vítaverður framúrakstur

Allt frá saumnálum til hjólastóla til í Dísubúð

Tveir árekstrar í vikunni

core/paragraph

Fram og ÍA mættust í 7. umferð Bestu deildar karla í knattspyrnu í gærkvöldi og var leikurinn á Lambhagavellinum í Úlfarsárdal. Fyrir leik var Fram með ellefu stig í 5. sæti og ÍA með níu stig í því áttunda. Fyrsta færi leiksins fékk Hinrik Harðarson á 11. mínútu þegar hann slapp í gegnum vörn Fram og keyrði inn í vítateiginn. Hann átti síðan fast skot að marki sem Ólafur Íshólm varði vel en líklegast hefði Hinrik átt að gera betur einn á móti markmanni. Framarar fengu síðan ágætis færi tíu mínútum síðar þegar boltinn lenti ofan á þverslánni en besta færið kom á lokamínútu fyrri hálfleiks. Johannes Vall komst þá upp að endamörkum og þrumaði boltanum í stöng Framara og út og þar sluppu heimamenn með skrekkinn en staðan 0-0 í hálfleik.

Framarar voru hættulegri fyrstu mínúturnar í seinni hálfleik og komust yfir á 65. mínútu þegar Fred Saraiva sendi boltann fyrir mark ÍA og þar var Guðmundur Magnússon fyrstur í boltann og kom honum í netið. Skagamenn færðu sig framar á vellinum eftir markið til að reyna að jafna metin. Tíu mínútum síðar sendi Guðfinnur Þór Leósson boltann inn í teiginn og þar var Viktor Jónsson óvaldaður og stangaði boltann í netið. Staðan 1-1 og eftir þetta reyndu bæði lið að ná sigurmarkinu en lítið gekk. Það var síðan á síðustu sekúndum leiksins sem Framarar fengu skyndisókn og Alex Freyr Elísson átti góðan sprett upp hægri kantinn. Hann sendi góðan bolta fyrir markið þar sem Viktor Bjarki Daðason skaut að marki en Árni Marinó Einarsson í marki ÍA varði ótrúlega vel og dómari leiksins flautaði nánast um leið til leiksloka, lokatölur 1-1 og þegar upp var staðið líklegast sanngjörn úrslit.

Valur er í efsta sæti í Bestu deildinni með 18 stig, Breiðablik er í öðru sæti með 15 stig og Valur í því þriðja með 14 stig. Fram og FH eru í 4.-5. sæti með 12 stig og ÍA, KR og Stjarnan þar á eftir með 10 stig. HK er í 9. sæti með 7 stig, Vestri er með 6 stig, KA með 5 stig í næstneðsta sætinu og á botninum er Fylkir með aðeins 1 stig.

Næsti leikur Skagamanna er á móti Íslands- og bikarmeisturum Víkings næsta laugardag á Elkem vellinum á Akranesi og hefst klukkan 17.

Fréttaveita Vesturlands

Árni Marinó bjargaði stigi fyrir ÍA