medium

thumbnail

small

custom-size

Stjórnarslit og boðað til þingkosninga í lok nóvember

Bjarki Pétursson ráðinn framkvæmdastjóri Golfklúbbs Borgarness

large

1536x1536

2048x2048

Slapp með skrekkinn þegar bíll hans rann í hálku og valt

Vestlendingar sigursælir á uppskeruhátíð LH

Minningarstund Englaforeldra í Akraneskirkju á þriðjudagskvöldið

Fjallað um hinsegin lífsgæði í framhaldsskólum

core/paragraph

Nemendur í 8.-10. bekk í Brekkubæjarskóla á Akranesi frumsýna á morgun, fimmtudag, söngleikinn Diskóeyjuna í Bíóhöllinni. Í byrjun maí hófust æfingar í Bíóhöllinni og síðasta sunnudag fékk blaðamaður Skessuhorns að kíkja á æfingu. Hjörvar Gunnarsson og Gunnhildur Vilhjálmsdóttir eru leikstjórar verksins og voru til í létt spjall þegar hlé var gert á æfingum í smástund. Þau segja að æfingarnar hafi gengið mjög vel, svakalegar framfarir hafi orðið hjá krökkunum í æfingaferlinu og þau séu öll ótrúlega flink.

Nú eru fjórir dagar í frumsýningu, hvernig er vinnan fram að henni? „Það eru tveir æfingadagar í viðbót og síðan er generalprufudagurinn. Það kom æfingahlé í vikunni þegar 10. bekkur fór í lokaferðalag og til að vinna það upp æfum við í tólf tíma á dag núna. Við erum aðeins farin að fá almenna gesti í húsið til að fá hlátur og klapp og svona. Þessir síðustu dagar fyrir frumsýningu er keyrsla en svona er þetta bara,“ segir Hjörvar.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/05/Frumsyna-songleikinn-Diskoeyjuna-i-Biohollinni-3-1200x900.jpg" alt="" class="wp-image-78159"/><figcaption>Yfirdvergar, Prófessorinn, aðstoðardvergur og varúlfur saman á mynd.</figcaption></figure>

Eflir og þéttir hópinn

Eru krakkarnir ekki orðnir spenntir? „Jú, það er bæði komin mikil þreyta og mikil spenna í krakkana og bara allar tilfinningarnar sko. Svona sýning eflir og þéttir hópinn og það er gaman að sjá þau efla sjálfstraust sitt. Við erum með um 120 manns hérna inni þegar við erum á æfingum og þetta er orðinn alveg ótrúlega þéttur hópur.“ Gunnhildur bætir við: „Það voru nokkrir hugrakkir nemendur sem völdu að vera ekki samferða vinum sínum í ferlinu því það var ekki horft í árgang eða vinskap þegar valið var í hlutverkin. Það sem við sjáum og þau tala um sjálf er að þau komu inn í ferlið ótrúlega feimin og þorðu litlu en eru nú allt önnur. Þau finna það líka að það verður gott að koma í skólann í haust og hittast aftur eftir góð kynni.“

Hvað með foreldra, eru þeir að hjálpa? „Það þarf að gefa öllum að borða sem eru í sýningunni og þar eru mjög öflugir foreldrar að aðstoða okkur. Þeir eru mjög til í allt og maður hendir kannski inn á síðuna okkar: Er einhver sem getur græjað þetta? og það stendur ekki á viðbrögðunum. Það eru allir tilbúnir að hjálpa og það er ómetanlegt í svona stóru verkefni,“ segir Hjörvar.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/05/Frumsyna-songleikinn-Diskoeyjuna-i-Biohollinni-4-1200x900.jpg" alt="" class="wp-image-78160"/><figcaption>Þessar leika kennarana í Diskóeyjunni.</figcaption></figure>

Ná að nýta styrkleika sína

Gunnhildur nefnir að leikæfingarnar gangi mjög vel með þennan fjölmenna hóp. „Krakkarnir eru að standa sig mjög vel og auðvitað koma álagstímar en þetta er ótrúlega skemmtilegt, krefjandi og gefandi. Við erum mjög stolt af þessari sýningu og þetta er rosalega flott hjá krökkunum. Hljómsveitin er geggjuð og það er allt annað að heyra í henni hér í Bíóhöllinni en í skólanum. Leikararnir standa sig allir frábærlega, dansararnir eru geggjaðir og þetta smellur einhvern veginn allt saman. Þegar svona verkefni er sett upp eru mörg verkefni sem þarf að vinna og við erum með hæfileikaríka krakka sem vinna ýmis störf baksviðs. Margir af þessum krökkum eru mikil hæfileikabúnt og ná virkilega að nýta styrkleika sína vel í þessari sýningu.“

Hjörvar og Gunnhildur segja að þau finni fyrir þeirri stemningu að fólk vilji koma í leikhús og upplifa töfra þess og það sé alltaf spennandi og skemmtilegt. „ Þetta er rosalega stórt verkefni og til að mynda eru 90 manns á sviðinu í lokaatriðinu sem er hálf ótrúlegt en afskaplega gaman. Það sem er mest gaman að sjá er að það eru auðvitað ekki allir sem blómstra í hefðbundnu skólastarfi og þarna eru einstaklingar sem hafa algjörlega blómstrað í þessari sýningu. Leiklist er í aðalnámskrá grunnskóla en er kannski ekki kennd í mörgum grunnskólum. Mikið nám fer fram í verkefni eins og þessu. Þó krakkarnir sitji til dæmis ekki með stærðfræðibók fyrir framan sig þá er þetta nám sem mun nýtast þeim áfram og út í lífið hvað varðar sjálfstraust, sjálfmynd, félagsfærni og ýmislegt fleira,“ segja þau Hjörvar og Gunnhildur að lokum.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/05/Frumsyna-songleikinn-Diskoeyjuna-i-Biohollinni-2-1200x1601.jpg" alt="" class="wp-image-78161"/><figcaption>Dansararnir taka virkan þátt í sýningunni.</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/05/Frumsyna-songleikinn-Diskoeyjuna-i-Biohollinni-5-1200x900.jpg" alt="" class="wp-image-78162"/><figcaption>Birta og Björt, Prófessorinn, Daníel og Rut.</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/05/Frumsyna-songleikinn-Diskoeyjuna-i-Biohollinni-6-1200x900.jpg" alt="" class="wp-image-78163"/><figcaption>Söngdívurnar eru í glimmer.</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/05/Frumsyna-songleikinn-Diskoeyjuna-i-Biohollinni-7-1200x900.jpg" alt="" class="wp-image-78164"/><figcaption>Diskódýrin eru ansi litrík.</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/05/Frumsyna-songleikinn-Diskoeyjuna-i-Biohollinni-8-1200x675.jpg" alt="" class="wp-image-78165"/><figcaption>Hljómsveitin í sýningunni. Ljósm. gbþ</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/05/Frumsyna-songleikinn-Diskoeyjuna-i-Biohollinni-9-1200x900.jpg" alt="" class="wp-image-78166"/><figcaption>Þjónn og fylgdarlið Birtu og Bjartar.</figcaption></figure>

Fréttaveita Vesturlands

Frumsýna á morgun söngleikinn Diskóeyjuna í Bíóhöllinni – Umfjöllun og myndir