Nú er vinna hafin við að leggja prufulagnir til að skoða vatnsmagn úr borholunum sem boraðar voru á síðasta ári í Grundarfirði. Grundarfjarðarbær hlaut eins og kunnugt er 34 milljóna króna styrk til orkuskipta í sundlaug, grunnskóla og íþróttahúsi bæjarins. Styrkurinn gerir bæjarfélaginu kleift að þróa orkuskipti sín nánar og hugsa næstu skref og lausnir sem miða að því að nýta orku og lækka kyndingarkostnað.