Það var opið hús í Fjölbrautaskóla Snæfellinga í gær þegar útskriftarnemar kynntu lokaverkefni sín. Verkefnin voru fjölbreytt eins og áður en þar var að finna hlaðvarp, heimildamynd, Tomma og Jenna teiknimynd, líkan af Grundarfjarðarkirkju, lampa, litabók, skáldsögu og margt fleira. Krakkarnir komu hver á fætur öðrum upp í pontu og kynntu verkefnin sín fyrir gestum. Verkin voru svo til sýnis og vöktu töluverða athygli.