Ársreikningur bæjarsjóðs Snæfellsbæjar var tekinn til síðari umræðu á fundi bæjarstjórnar síðdegis í gær. Þar kemur meðal annars fram að rekstur Snæfellsbæjar kom mun betur út en fjárhagsáætlun hafði gert ráð fyrir og var rekstur samstæðunnar jákvæður um 350 milljónir króna, en fjárhagsáætlun hafði gert ráð fyrir jákvæðri afkomu upp á um 104 m.kr. Þar af var rekstur A hluta sveitarsjóðs jákvæður um 178 milljónir króna.