medium

large

thumbnail

1536x1536

2048x2048

small

custom-size

Liðnir tímar og nýir fléttaðir saman á Breið

Fjórum sýningum bætt við á Diskóeyjuna

Kvikumagn undir Svartsengi aldrei verið meira frá 10. nóvember

Gul viðvörun frá klukkan 13 til 22

Erum á rangri leið í tannheilbrigðismálum

Húsasmiðurinn sem varð lögregluþjónn

core/paragraph

ÍA og Grindavík áttust við í fyrstu umferð Lengjudeildar kvenna í knattspyrnu í gærkvöldi og var leikurinn í Akraneshöllinni. Skagakonur komu ákveðnar til leiks, sóttu hart að Grindavík en gestirnir voru alltaf hættulegar í sínum skyndisóknum. Liðin náðu þó ekki að skapa sér nein alvöru færi í fyrri hálfleik fyrir utan skalla Juliönu Marie Paoletti í þverslána. ÍA átti þó margar fyrirgjafir sem sköpuðu oft smá usla en markvörður Grindvíkinga, Katelyn Kellogg, stóð vaktina vel. En undir lok fyrri hálfleiks eða á markamínútunni, þeirri 43., dró til tíðinda. Eftir gott spil sendi Vala María Sturludóttir boltann fyrir markið, Kellog missti boltann yfir sig á fjærstöngina þar sem Juliana Marie skaut boltanum fyrir markið og beint á Ernu Björt Elíasdóttir sem ýtti honum yfir línuna. Staðan 1-0 í hálfleik fyrir ÍA og frekar sanngjarnt.

Það var ekkert slegið af í seinni hálfleik enda hlaupagetan í liðunum mikil og vel tekist á. Það var hins vegar eins og í fyrri hálfleiknum lítið um alvöru færi en besta færi ÍA kom á 57. mínútu eftir hornspyrnu þegar Juliana Marie átti aftur skalla í þverslána en inn fór boltinn ekki. Gestirnir fóru síðan að færa sig framar þegar líða tók á leikinn og heimakonur að sama skapi að þétta raðirnir og verja forskot sitt. Litlu munaði þó þegar ein mínúta var eftir af leiknum er fyrirliðinn Una Rós Unnarsdóttir átti gott skot að marki rétt utan vítateigs en Klil Keshwar markvörður ÍA var vel á verði og náði að slá boltann yfir markið. Lokatölur 1-0 og verðskuldaður sigur miðað við gang leiksins.

Í næstu umferð mætir ÍA liði FHL í Fjarðabyggðarhöllinni á Reyðarfirði. Viðureignin fer fram næsta sunnudag og hefjast leikar klukkan 14.

Skagakonur með góðan sigur á Grindavík