medium

large

thumbnail

1536x1536

2048x2048

small

custom-size

Erum á rangri leið í tannheilbrigðismálum

Húsasmiðurinn sem varð lögregluþjónn

Mótormessa var haldin í Reykholti

Líf og fjör við Borgarbraut í Borgarnesi

Íhuga að hætta framleiðslu neftóbaks

Víkingaskálinn í Grundarfirði felldur

core/paragraph

Í hádeginu í dag lauk talningu í kosningum um embætti biskups Íslands, en tveir voru í kjöri í þessari síðari umferð kosningar í embættið; þau Guðmundur Karl Brynjarsson og Guðrún Karls Helgudóttir. Úrslit urðu þau að sr. Guðrún hlaut fleiri atkvæði, eða 1.060 sem er 52,19%. Guðmundur Karl hlaut 954 atkvæði eða 46,97%. Á kjörskrá voru 2286; 166 prestar og djáknar og 2.119 leikmenn. Kjörsókn var 88,85%

Sr. Guðrún er fædd 27. apríl árið 1969 í Reykjavík. Foreldrar hennar eru Karl Magnús Kristjánsson og Helga Einarsdóttir. Guðrún varð stúdent frá Fjölbrautaskólanum í Breiðholti árið 1992 og lauk BA prófi í guðfræði frá HÍ haustið 1998 og cand. theol. frá sama skóla árið 2000. Hún hafði umsjón með barnastarfi við Árbæjarkirkju og var æskulýðsfulltrúi við Akraneskirkju og Grafarvogskirkju árin 1999-2000. Auk þess sinnti hún ýmsum störfum í kirkjum á höfuðborgarsvæðinu með námi svo sem í Hjallakirkju og Seltjarnarneskirkju og sá um leikjanámskeið í Reykjavíkurprófastsdæmum og hafði umsjón með fermingarbarnanámskeiðum í Skálholti og Gautaborg. Guðrún tók starfsnám í Gautaborgarstifti árin 2001-2003. Hún var meðferðarfulltrúi í kvennaathvarfi í Gautaborg 2000-2001 og æskulýðsfulltrúi í Lunby söfnuði í Gautaborg.

Guðrún vígðist 11. janúar 2011 í Dómkirkjunni í Gautaborg og þjónaði í Näsets söfnuði 2004 – 2005 og í Lerums söfnuði árin 2005-2008. Hún varð svo prestur í Grafarvogssöfnuði árið 2008 og hefur þjónað sem sóknarprestur í sama söfnuði frá árinu 2016. Sr. Guðrún hefur lokið framhaldsnámi í prédikunarfræðum frá The Lutheran School of Chicago.

Eiginmaður Guðrúnar er Einar Örn Sveinbjörnsson og eiga þau tvær dætur og tvær dótturdætur. Sr. Guðrún verður vígð til biskups í Hallgrímskirkju sunnudaginn 1. september.

Fréttaveita Vesturlands

Séra Guðrún Karls kjörin biskup Íslands