medium

large

thumbnail

1536x1536

2048x2048

small

custom-size

Erum á rangri leið í tannheilbrigðismálum

Húsasmiðurinn sem varð lögregluþjónn

Mótormessa var haldin í Reykholti

Líf og fjör við Borgarbraut í Borgarnesi

Íhuga að hætta framleiðslu neftóbaks

Víkingaskálinn í Grundarfirði felldur

core/paragraph

Stjarnan og ÍA áttust við í fimmtu umferð Bestu deildar karla í knattspyrnu í gær og var viðureignin á Samsungvellinum í Garðabæ. Gestirnir komust yfir á níundu mínútu leiksins þegar Árni Salvar Heimisson fékk boltann á hægri kantinum, hann átti góða fyrirgjöf sem rataði beint á Hinrik Harðarson og hann afgreiddi boltann snyrtilega í netið. Skömmu síðar fékk Steinar Þorsteinsson dauðafæri fyrir ÍA þegar hann komst einn í gegn en þrumaði boltanum yfir markið. Eftir þetta komust heimamenn betur inn í leikinn og uppskáru mark eftir hálftíma leik. Jóhann Árni Gunnarsson sendi þá knöttinn fyrir af hægri kanti og hann fór beint á kollinn á Emil Atlasyni sem skallaði boltann af krafti í markið. Staðan 1-1 og þó það væru miklar breytingar á veðrinu fram að hálfleik, bæði ausandi rigning og sól, breyttist staðan ekkert og staðan jöfn í hálfleik.

Liðin skiptust á að sækja fyrsta korterið í seinni hálfleik en Stjarnan komst síðan yfir eftir klukkustundar leik. Þá fékk Róbert Frosti Þorkelsson boltann fyrir utan vítateig Skagamanna og spyrnti föstu skoti og í netið. Stuttu síðar gerðu Skagamenn þrefalda skiptingu en aðeins tveimur mínútum eftir það kom þriðja mark heimamanna. Eftir skyndisókn kom boltinn fyrir markið þar sem Emil Atla missti af honum en á fjærstönginni lúrði Óli Valur Ómarsson og ýtti boltanum yfir línuna. Staðan 3-1 og í kjölfarið áttu Skagamenn nokkrar góðar sóknir sem lítið kom út úr. Stjarnan gerði svo algjörlega út um leikinn á 75. mínútu eftir hornspyrnu þegar Guðmundur Baldvin Nökkvason skallaði boltann í netið eftir að Árni Marinó hafði varið skot Örvars Eggertssonar úr teignum. Staðan 4-1 fyrir Stjörnuna og þetta urðu lokatölur leiksins þó að Skagamenn reyndu hvað þeir gátu til að ná inn sárabótarmarki.

Eftir þetta tap eru Skagamenn komnir niður í sjöunda sætið með sex stig eins og Vestri en með betri markatölu. Þessi lið mætast einmitt í næstu umferð á laugardaginn á Elkem vellinum á Akranesi og hefst leikurinn klukkan 14.

Stjarnan skellti Skagamönnum