medium

large

thumbnail

1536x1536

2048x2048

small

custom-size

Erum á rangri leið í tannheilbrigðismálum

Húsasmiðurinn sem varð lögregluþjónn

Mótormessa var haldin í Reykholti

Líf og fjör við Borgarbraut í Borgarnesi

Íhuga að hætta framleiðslu neftóbaks

Víkingaskálinn í Grundarfirði felldur

core/paragraph

Næstkomandi laugardag verður Sindratorfæran haldin á Hellu á Rangárvöllum. „Margir úr keppendahópnum hafa keppt í torfæru til fjölda ára og nokkrir að koma til baka eftir nokkurt hlé. Þeirra á með fyrrum Íslandsmeistarinn Jón Örn Ingileifsson en hann keypti Íslandsmeistarabílinn Heklu og ætlar sér allt annað en að vera bara með. Nokkrir keppenda eru að keppa í fyrsta sinn og verður gaman að sjá hvort þeir nái að elta þá reyndari,“ segir í tilkynningu frá keppnisstjórn. Fara þarf aftur til ársins 2006 til þess að sjá sama fjölda keppenda skráða til leiks. En mikill uppgangur er í sportinu og sennilega til hátt í 50 bílar á landinu sem eru tilbúnir til keppni.

Það eru Flugbjörgunarsveitin á Hellu og Akstursíþróttanefnd Heklu sem standa að keppninni sem hefur verið haldin nær óslitið síðan 1973. Keppnissvæðið er í Tröllkonugili rétt austan Hellu en þar eru kjör aðstaða fyrir áhorfendur að tylla sér í brekkurnar og fylgjast með þessum 1000 hestafla græjum reyna fyrir sér í sandbrekkum, börðum, fleytingum á ánni og í mýrinni.

Torfæra er skemmtun fyrir alla fjölskylduna. Síðustu ár hafa um fimm þúsund manns verið á svæðinu og allir haft gaman af því að skoða græjurnar og sjá þær svo takast á við brautirnar. Bein útsending verður frá keppninni á YouTube og RÚV2 fyrir þá sem ekki komast á staðinn. Auðvelt að finna á YouTube með því að leita eftir Sindratorfæran live.

core/image

Sindratorfæran er um næstu helgi