Frá afhendingu styrksins: Salome Hallfreðsdóttir framkvæmdastjóri Rastar, Kjartan Örn Ólafsson einn stofnenda Transition Labs, Sólveig Rósa Ólafsdóttir hafefnafræðingur hjá Hafrannsóknarstofnun, Davíð Helgason stofnandi Unity Technologies, Hrönn Egilsdóttir sviðsstjóri umhverfissviðs Hafrannsóknarstofnunar og Margrét Ormslev Ásgeirsdóttir rekstrarstjóri hjá Transition Labs. Ljósm. aðsend
Röst styrkir verkefni þar sem rannsaka á haffræði Hvalfjarðar
Hið nýstofnaða Röst sjávarrannsóknasetur hefur veitt Hafrannsóknastofnun Íslands 60 milljóna króna styrk til að framkvæma rannsóknir á haffræði Hvalfjarðar. Markmið rannsóknanna er að afla gagna til að berjast gegn loftslagsbreytingum og undirbúa tilraunir með nýja aðferð við að fjarlægja koldíoxíð úr andrúmsloftinu.