Slökkvilið Akraness og Hvalfjarðarsveitar var skömmu fyrir hádegi í dag kallað út á hæsta forgangi að einbýlishúsi við Bjarkargrund á Akranesi. Tilkynnt hafði verið um eld í húsinu. Í ljós kom að húsráðendur höfðu gleymt að þeir voru að sjóða egg og brugðið sér af bæ. Fólk var að vinna í lóð næsta húss og lét vita þegar reykskynjarar fóru á fullt inni í húsinu. Að sögn Jens Heiðars Ragnarssonar slökkviliðsstjóra urðu ekki skemmdir i húsinu, en það þurfti að reykræsta og þrífa í framhaldinu.