medium

large

thumbnail

1536x1536

2048x2048

small

custom-size

Erum á rangri leið í tannheilbrigðismálum

Húsasmiðurinn sem varð lögregluþjónn

Mótormessa var haldin í Reykholti

Líf og fjör við Borgarbraut í Borgarnesi

Íhuga að hætta framleiðslu neftóbaks

Víkingaskálinn í Grundarfirði felldur

core/paragraph

Vatnsveitan á Akranesi fær vatn frá þremur vatnsbólum; Berjadalsá og lindasvæðum við Slögu og Óslæk. Vatnið er allt gegnumlýst til að tryggja heilnæmi þess.

Fram kemur í tilkynningu frá Veitum að á fimmtudaginn kom upp bilun í öðru af tveimur gegnumlýsingartækjum vatnsveitunnar með þeim afleiðingum að hluti af vatninu fór ólýstur inn á dreifikerfið. Þegar bilunin uppgötvaðist stuttu síðar var tækið strax tekið úr rekstri og fór þá allt vatnið í gegnum hitt tækið sem getur annað allri framleiðslunni.

„Heilbrigðiseftirlit Vesturlands var strax upplýst og var staðan metin þannig að mjög litlar líkur væru á því að almenningi gæti stafað hætta af vatninu, enda um afmarkaðan atburð að ræða sem þegar hafði verið brugðist við. Sýni voru tekin til greiningar, sem tekur nokkra daga að fá niðurstöður úr. Bráðabirgðaniðurstöður gefa nú til kynna að E.coli gerlar yfir greiningarmörkum, en þó í mjög litlu magni, hafi verið til staðar í ólýstu vatni.

Til þess að gæta fyllstu varkárni var Heilbrigðisstofnun Vesturlands og umdæmislæknar sóttvarna strax upplýst á fimmtudag. Það er ekki ástæða fyrir almenning að sjóða neysluvatn. Vatnið í dreifikerfinu endurnýjar sig fljótt og hefur allt verið gegnumlýst frá því að bilunin uppgötvaðist. Veitur vinna nú að því að koma í veg fyrir að slíkt geti endurtekið sig,“ segir í tilkynningunni.

Fréttaveita Vesturlands

Bilun varð í búnaði vatnsveitu á Akranesi