Það var mikið líf í höfnum Snæfellsbæjar í gær þegar strandveiðisjómenn máttu hefja veiðar. Fjölmargir bátar eru nú í Snæfellsbæ en auk heimamanna koma þeir víða af landinu enda stutt á góð fiskimið og fjörðurinn kjaftfullur af fiski. Að sögn hafnarvarðar á Arnarstapa var algjört mokfiskerí hjá bátum sem gera út þaðan og tók það suma þeirra aðeins tvo tíma að ná þessum 774 kílóum sem má koma með að landi á dag. „Blessaður vertu,“ sagði Mási hafnarvörður aðspurður hvort langt væri að sækja fiskinn; „nei, bátarnir voru bara hér við bryggju sporðinn, og þetta var allt aulafiskur,“ bætti hann við og rauk af stað til þess að landa úr næsta báti.