Miðvikudaginn 24. apríl var haldið upp á Dag umhverfisins í leikskólanum Skýjaborg í Hvalfjarðarsveit. Það var gert með þeim hætti að hreinsa til í nærumhverfinu og tína rusl. Veðrið lék aldeilis við nemendur og starfsfólk svo aðallega var unnið úti við. Þar var tekið til hendinni og garðurinn aðeins sópaður þar sem mikið af sandi og möl var um skólalóðina eftir veturinn.