medium

large

thumbnail

1536x1536

2048x2048

small

custom-size

Víðsýni er verðmæt náttúruauðlind

Umferðareftirlit og lausaganga meðal verkefna lögreglu

Aukafjárveiting til neyðarviðgerða í vegamálum óafgreidd hjá Alþingi

Stórhækkun eftirlitsgjalda í matvælaframleiðslu

Mannýgur mávur herjar á Skagamenn

Luku heyskapnum á innan við tveimur dögum

core/paragraph

Stjórn Körfuknattleiksdeildar Skallagríms og Atli Aðalsteinsson hafa komist að samkomulagi um að endurnýja ekki samninginn þeirra á milli en samningurinn við Atla rann út eftir tímabilið sem nú er nýlokið. Áður hafði Hafþór Ingi Gunnarsson sagt starfi sínu lausu sem aðstoðarþjálfari Atla til þriggja ára.

Atli hefur þjálfað meistaraflokk Skallagríms síðan 2019 eða í fjögur tímabil og náð mjög góðum árangri. Hann fór meðal annars með liðið í oddaleik gegn Hamri um að fara upp í Subway deildina á síðasta tímabili ásamt því að hafa verið aðstoðarþjálfari kvennaliðs Skallagríms þegar þær lönduðu bikarmeistaratitli í fyrsta og eina skiptið árið 2020.

Atli segir í færslu á FB síðu sinni að hann sé stoltur af því sem tókst að áorka en á sama tíma svekktur yfir því hvernig þetta endar allt saman. „Þakklæti í garð allra leikmanna sem tóku þátt í þessu á einhverjum tímapunkti, hvort sem það var til lengri eða styttri tíma. Án þeirra hefði ekkert gerst og ég vona einlæglega að ég hafi verið þeim góður eða hjálpað á einhvern hátt. Samstarfið við Hafþór Inga hefur verið mér afar kært, í honum hef ég eignast vin til framtíðar og verð fyrir það ævinlega þakklátur.“

„Stjórnin þakkar Atla ómetanlegar stundir á undanförnum árum og óskar honum velfarnaðar í framtíðinni. Eins og fram hefur komið þá hefur Hafþór Ingi Gunnarsson einnig sagt skilið við liðið. Þeim félögum er þakkað ómetanlegt og óeigingjarnt starf fyrir KKD Skallagríms,“ segir í færslu á FB síðu körfuknattleiksdeildar Skallagríms.

Fréttaveita Vesturlands

Atli hættur sem þjálfari Skallagríms