medium

large

thumbnail

1536x1536

2048x2048

small

custom-size

Niðurrif í Brákarey hefst í dag

Kiwanis gefur fyrstu bekkingum reiðhjólahjálma

Séra Karen ráðin sóknarprestur í Setbergsprestakalli

Sérstakir styrkir veittir til kaupa á nytjahjólum

Viðbrögðin hafa verið jákvæð

Búast má við sjónmengun frá Elkem næstu daga

core/paragraph

Guðrún Hafsteinsdóttir dómsmálaráðherra hefur sett Birnu Ágústsdóttur, sýslumanninn á Norðurlandi vestra, tímabundið sem sýslumann á Vesturlandi. Ráðningin gildir frá 1. júní nk. til og með 31. maí 2025. Tilefni setningarinnar er beiðni Ólafs Kristófers Ólafssonar, sýslumanns, um lausn frá embætti.

„Í ljósi þess að nú stendur yfir stefnumótunar- og greiningarvinna í málefnum sýslumanna og fyrirséð er að þeirri vinnu verður ekki lokið fyrir 1. júní 2024, var sú ákvörðun tekin að setja Birnu Ágústsdóttur tímabundið til að gegna embættinu á Vesturlandi til viðbótar við eigið embætti á Norðurlandi vestra. Birna mun því gegna báðum embættunum á framangreindu tímabili,“ segir í tilkynningu frá ráðuneytinu.

Sú ákvörðun að setja sýslumenn tímabundið yfir fleiri en eitt embætti í stað þess að skipa nýjan til fimm ára, er tekin vegna þeirra tímamóta sem sýslumannsembættin standa nú á. „Verið er að móta framtíðarstefnu í málefnum sýslumanna og þykir af þeirri ástæðu ekki rétt að taka ákvarðanir til lengri tíma um embættin sem kunna að fara gegn þeirri stefnu. Þannig var Kristín Þórðardóttir, sýslumaðurinn á Suðurlandi, sett tímabundið yfir embætti sýslumanns í Vestmannaeyjum í október 2023. Þessi tilhögun er einnig í samræmi við þær áherslur ráðherra í málefnum sýslumanna að unnið verði að því að fella niður áhrif umdæmismarka gagnvart almenningi.“

Birna Ágústsdóttir sett sýslumaður á Vesturlandi