Bergur Vilhjálmsson, slökkviliðs- og sjúkraflutningarmaður úr Reykjavík, hóf áheitagöngu á fimmtudaginn fyrir Píeta samtökin. Hóf hann gönguferðina við Ultraform á Akranesi klukkan 14.00 á fimmtudag en lauk henni tveimur sólarhringum síðar í Grafarholti í Reykjavík. Bergur dró á eftir sér sleða sem er nálægt 100 kílóum að eigin þyngd og byrjaði að auki með 100 kílóa lóð á sleðanum í upphafi ferðar. Fyrir hverja tíu kílómetra sem hann lagði að baki losaði hann 10 kíló af lóðum af sleðanum.