Um klukkan 19:35 í kvöld var Slökkvilið Borgarbyggðar kallað út vegna sinuelds í Mávahlíð í Lundarreykjadal. Fyrst voru starfsstöðvarnar á Hvanneyri og í Reykholti kallaðar út en fljótlega var einnig bætt við mannskap úr Borgarnesi. Eins og sést á meðfylgjandi myndum, sem Pétur Davíðsson, tók er jörð þurr og mikill eldsmatur. Eldurinn gat breiðst mjög út á þessum stað, jafnvel til nærliggjandi jarða, og var því viðbúnaður mikill.

UPPFÆRT KLUKKAN 20:44:

Búið er að slökkva eldinn og var rétt í þessu verið að senda afturköllun verkefnis til slökkviliðs.