medium

large

thumbnail

1536x1536

small

custom-size

Borgarverk endurnýjar Sæunnargötu

Kári hóf leik með stórsigri á Elliða

Bilun varð í búnaði vatnsveitu á Akranesi

2048x2048

Hoppukastalamessa í Reykholti

Gleymdu að verið var að sjóða egg

Víkingur Ó. með sigur í fyrsta leik

core/paragraph

ÍA og Tindastóll mættust í 32-liða úrslitum Mjólkurbikars karla um miðjan dag í gær á sumardaginn fyrsta og var leikurinn í Akraneshöllinni. Skagamenn gerðu átta breytingar á byrjunarliði sínu frá sigurleiknum gegn Fylki um síðustu helgi enda fjórar deildir á milli þessara liða en Tindastólsmenn leika í 4. deild í sumar. Norðanmenn börðust eins og ljón og náðu að halda Skagamönnum í skefjum fyrsta hálftímann. Skömmu eftir það fékk Ingi Þór Sigurðsson boltann fyrir utan teig, hann fór fram hjá tveimur varnarmönnum og setti boltann undir markvörð Stólanna. Ingi Þór var síðan aftur á ferðinni á lokamínútu fyrri hálfleiks þegar hann vippaði boltanum snyrtilega, nú yfir markmann gestanna og í netið, staðan 2-0 fyrir ÍA.

Ingi Þór fékk síðan upplagt tækifæri til að fullkomna þrennuna þegar Skagamenn fengu vítaspyrnu á 70. mínútu. Hann fór á vítapunktinn en skot hans fór yfir markið. Korteri fyrir leikslok fékk Hilmar Elís Hilmarsson knöttinn í teignum, fast skot hans endaði í netinu og hann fagnaði að hætti hússins fyrsta marki sínu fyrir ÍA. Skagamenn létu þetta gott heita og lokatölur 3-0 fyrir ÍA.

Skagamenn eru því komnir í 16-liða úrslit ásamt níu öðrum liðum úr Bestu deildinni en lið FH og Breiðabliks féllu úr keppni. Fimm lið koma úr Lengjudeildinni og eitt úr þeirri þriðju en það er lið ÍH úr Hafnarfirði. Dregið verður í hádeginu í dag í 16-liða úrslitin.

Skagamenn í 16-liða úrslit í Mjólkurbikarnum – Dregið í hádeginu