medium

large

thumbnail

1536x1536

small

custom-size

Dregið í Fótbolta.net bikarnum

Orkuveitan skilar Reykjavíkurborg Elliðaárdalnum

Ný nálgun í landsáætlun um útrýmingu á riðu

Mynd Sigurðar Más valin ein af fréttaljósmyndum ársins

Atvinnuleysi mældist 4,1% í mars

2048x2048

“Var hársbreidd frá að verða padda á framhluta mjólkurbílsins”

core/paragraph

Félag aldraðra í Borgarfjarðardölum fór síðastliðinn miðvikudag í menningar- og skemmtiferð um Lundarreykjadal og tóku þátt í ferðinni rétt rúmlega fjörutíu félagar. Undirbúningur ferðarinnar var í höndum ferðanefndar FaB, en hana skipa þeir Þórólfur Sveinsson, Guðmundur Sigurðsson og Gísli Jónsson.

Þegar þátttakendur voru komnir í rútuna, sem Gísli Jónsson ók, tók við leiðsögu Guðmundur Þorsteinsson á Skálpastöðum. Fræddi hann okkur um bæi og búalið er ekið var inn dalinn að norðanverðu. Stansað var við Lundarkirkju þar sem Jón bóndi Gíslason á Lundi sagði sögu kirkjunnar. Áfram var haldið og næst stansað við Oddsstaði þar sem Sigrún Kristjánsdóttir og Guðmundur Sigurðsson skógarbændur tóku á móti okkur. Guðmundur sagði sögu Oddsstaða meðan við þáðum veitingar. Ekið var hjá félagsheimilinu Brautartungu og fram með Tunguá. Við Basalt Hótel var stansað, en þar beið hópsins hin ljúfasta súpa, brauð, salat og kaffi. Húsráðendur tóku mjög vel móti okkur og svöruðu spurningum frá forvitnum ferðalöngum.

Eftir hópmyndatöku, hóteleigenda, var enn á ný sest í rútu og ekið fram að Þverfelli og þar snúið við. Nú tók Helgi Björnsson frá Snartarstöðum við leiðsögn. Við Krosslaug var stoppað og gengið að lauginni, þar sem nokkrir dýfðu hendi í heitt vatnið. Haldið var niður dalinn að sunnanverðu en síðasta stopp var á Skarði. Þar tóku Árni Invarsson og synir hans á móti hópnum og fræddu okkur um starfsemi þeirra, en þeir reka fyrirtækið Búhag, sem sérhæfir sig í viðgerðum og nýsmíði. Einnig hér biðu okkar veitingar. Frá Skarði var síðan ekið í Brún og við sem þar áttum ökutæki fórum frá borði, en síðasta stopp var í Borgarnesi.

Góður dagur að kveldi kominn og fóru ferðalangar ánægðir til sín heima.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/04/Menningarferd-FaB-um-Lundarreykjadal_2-1200x900.jpg" alt="" class="wp-image-77459" /><figcaption>Á leið inn í Lundarkirkju.</figcaption></figure>

Fréttaveita Vesturlands

Menningarferð FaB um Lundarreykjadal