Bæjarstjórn Akraneskaupstaðar samþykkti afgreiðslu ársreiknings síðasta árs til síðari umræðu 14. maí nækstkomandi á fundi sínum á þriðjudag. Rekstrarniðurstaða bæjarfélagsins, fyrir fjármagnsliði og óreglulega liði, var neikvæð um 198,8 m.kr. en samkvæmt fjárhagsáætlun var gert ráð fyrir um 284 milljóna króna neikvæðri rekstrarniðurstöðu. Rekstrarniðurstaða Akraneskaupstaðar með óreglulegum liðum var hins vegar jákvæð um 319 milljónir króna en samkvæmt fjárhagsáætlun var gert ráð fyrir um 105,7 m.kr. jákvæðri rekstrarniðurstöðu.