medium

large

thumbnail

1536x1536

small

custom-size

Vorboðinn ljúfi mættur til starfa

2048x2048

Stofnmæling helstu botnfisktegunda

Endurbætur á miðálmu grunnskólans í Borgarnesi

Fjölskylda Soffa styrkir skíðafélagið í tilefni tímamótanna

Sérstök framkvæmdanefnd skipuð um málefni Grindavíkur

100 ár í dag frá fæðingu Soffaníasar Cecilssonar

core/paragraph

Í nýlegri íbúakönnun, sem Vífill Karlsson hagfræðingur SSV er að vinna, var leitað vísbendinga um væntanlega búferlaflutninga fólks vítt og breitt um landið. Í þeim tilgangi var spurt: „Finnst þér líklegt eða ólíklegt að þú eigir eftir að flytja búferlum á næstu tveimur árum?“

Niðurstaðan á Vesturlandi er áhugaverð. Á Akranesi og í Hvalfjarðarsveit eru íbúar lang ólíklegastir til að huga að flutningum. Það er rakið til almennrar ánægju með flest er lýtur að þjónustu og almennum búsetuskilyrðum eins og ítrekað hefur komið hefur fram í íbúakönnunum. Önnur svæði á Vesturlandi liggja á landsmeðaltalinu, sem er út af fyrir sig jákvæð niðurstaða líka, en þar eru íbúar á pari með höfuðborgarsvæðinu. Athygli vekur að Dalirnir bæta sig að þessu leyti á milli kannana en það er líka í samræmi við marga aðra mælikvarða íbúakönnunarinnar sem hafa færst til betri vegar í Dölunum.

Snæfellsnes bætir sig sömuleiðis töluvert á milli kannanna að þessu leyti, Akranes og Hvalfjörður lítið eitt en Borgarfjarðarsvæðið stendur í stað. Við nánari rýni kom í ljós að „bætingin“ var nokkuð jöfn á milli Grundarfjarðarbæjar, Sveitarfélagsins Stykkishólms og Snæfellsbæjar hlutfallslega en Hvalfjarðarsveit „bætti“ sig lítið eitt meira en Akraneskaupstaður.

Íbúakönnun landshlutanna er samstarfsverkefni allra landshlutasamtaka utan höfuðborgarsvæðisins ásamt Byggðastofnun. Könnunin hófst haustið 2023 en dróst fram á veturinn 2024. Úrvinnsla er hafin og endanleg útgáfa heildarniðurstaðna könnunarinnar verður í júní en efnið verður birt í áföngum á þeim verkhlutum sem klárast hverju sinni. Þátttakendur voru um 11.500 að þessu sinni. Könnunin byggir á tilviljanakenndu úrtaki. Þá var einstaklingum úr ákveðnum hópum boðið sérstaklega þegar útlit var fyrir að of fáir væru þaðan. Innflytjendur eru dæmi um það en 900 tóku þátt. Könnunin var lögð fyrir á íslensku, pólsku og ensku. Íbúakönnun þessi var fyrst framkvæmd á Vesturlandi árið 2004 en eftir það á þriggja ára fresti. Könnunin var nú framkvæmd í annað sinn á öllu landinu.

Fréttaveita Vesturlands

Fyrirhugaðir búferlaflutningar kannaðir á Vesturlandi