Á laugardaginn snögghitnaði í veðri samhliða sunnan roki og hellirigningu víða um vestanvert landið. Snjó tók því hratt upp. Ár urðu sem stjórfljót yfir að líta. Nokkuð víða höfðu vegræsi ekki undan skyndilegu leysingavatninu og dæmi um að vegir hafi grafist í sundur. Meðfylgjandi myndir voru teknar á Snæfellsnesi næsta dag. Aurskriða hafði fallið niður undir veg í Álftafirði, vegurinn við Kljáá var í sundur við vegræsi og þá molnaði úr vegöxlum, m.a. á Vatnaleið og í Stórholtum við Bakká. Meðfylgjandi myndir tók Sumarliði Ásgeirsson.