Á síðasta ári hófst formlegt starf Sunddeildar Skallagríms að nýju eftir stutt hlé. Áhugi almennings á sundnámskeiðum kom fljótt í ljós og hófust byrjendanámskeið, skriðsundsnámskeið og reglulegar garpaæfingar. Arnheiður Hjörleifsdóttir er þjálfari Sunddeildar Skallagríms og fékk blaðamaður leyfi til að koma við á sundlaugarbakkanum á björtum en köldum apríldegi og spjallaði við Arnheiði um starfið.