medium

large

thumbnail

1536x1536

small

custom-size

Vorboðinn ljúfi mættur til starfa

2048x2048

Stofnmæling helstu botnfisktegunda

Endurbætur á miðálmu grunnskólans í Borgarnesi

Fjölskylda Soffa styrkir skíðafélagið í tilefni tímamótanna

Sérstök framkvæmdanefnd skipuð um málefni Grindavíkur

100 ár í dag frá fæðingu Soffaníasar Cecilssonar

core/paragraph

ÍA tók á móti Fylki í þriðju umferð Bestu deildarinnar í knattspyrnu að viðstöddum yfir sex hundruð áhorfendum í Akraneshöllinni í gær og var frekar þröngt á þingi. Leikurinn byrjaði fjörlega og Skagamenn komust yfir strax á 11. mínútu þegar Hinrik Harðarson fékk boltann vinstra megin, hann tók á rás og skaut föstu skoti niðri í bláhornið. Gestirnir voru sterkari aðilinn eftir markið án þess þó að skapa sér einhver alvöru færi. Besta færi þeirra átti Matthias Præst sem vippaði boltanum yfir Árna Marinó í marki Skagamanna en boltinn fór rétt framhjá. Það dró svo til tíðinda á lokamínútu fyrri hálfleiks þegar Fylkismaðurinn Orri Sveinn Stefánsson fékk beint rautt spjald fyrir að stöðva Marko Vardic sem var að sleppa einn í gegn og annan leikinn í röð voru Skagamenn einum fleiri í seinni hálfleik. Staðan 1-0 fyrir ÍA í hálfleik og ljóst að heimamenn voru í ansi góðum málum.

Það sýndi sig fljótlega því eftir tæpar tíu mínútur höfðu Skagamenn bætt við tveimur mörkum á tveggja mínútna kafla. Fyrst skoraði Steinar Þorsteinsson laglegt mark eftir frábæra fyrirgjöf Johannesar Vall og skömmu síðar átti Jón Gísli Eyland þrumuskot sem hafnaði í fjærhorninu. Fjórða mark ÍA kom á 67. mínútu þegar markahrókurinn Viktor Jónsson skallaði boltann í markið eftir hornspyrnu og tíu mínútum síðar skoraði Albert Hafsteinsson síðan fimmta mark ÍA með góðu innanfótarskoti rétt við vítateiginn og í hornið hægra megin. Fylkir náði síðan sárabótarmarki fimm mínútum fyrir leikslok þegar Theodór Ingi Óskarsson slapp í gegn eftir varnarmistök og kláraði færið sitt vel. Lokatölur 5-1 fyrir ÍA og með þessum stórsigri eru Skagamenn í 2.-6. sæti með sex stig ásamt Breiðabliki, KR, Fram og FH en eru með bestu markatöluna. Víkingur er á toppnum með níu stig og þrjú neðstu liðin eru KA, Fylkir og HK með eitt stig.

Það var mikið um dýrðir fyrir leik þegar Skagamenn kynntu nýjasta leikmann liðsins en Rúnar Már Sigurjónsson gekk þá út á völlinn með gulan ÍA trefil um hálsinn. Rúnar Már er ekki byrjaður að æfa eftir aðgerð sem hann fór í núna í janúar en búist er við því að það verði fljótlega.

Næsti leikur ÍA í deildinni er næsta sunnudag á Akranesi gegn FH og verður vonandi á Akranesvelli sem hefur breytt um nafn og nefnist Elkem völlurinn. Í millitíðinni spila Skagamenn við lið Tindastóls í 32-liða úrslitum Mjólkurbikarsins á fimmtudaginn sem er sumardagurinn fyrsti. Leikurinn verður í Akraneshöllinni og hefst klukkan 15.

Fréttaveita Vesturlands

Skagamenn í öðru sæti eftir stórsigur á Fylki