medium

large

thumbnail

1536x1536

small

custom-size

Lítil Barnamenningarhátíð í Borgarnesi

Skallagrímur hélt lokahóf í körfunni

Vilja stækka Garðavöll um níu holur

Síðari umferð biskupskosningar hafin

2048x2048

Uppbyggingarsjóður SSV auglýsir eftir öndvegisverkefnum

Verkalýðsdagurinn haldinn hátíðlegur

core/paragraph

Fjórir af væntanlegum forsetaframbjóðendum mælast með áberandi mest fylgi í nýrri skoðanakönnun Prósents sem gerð var fyrir Morgunblaðið og birt í morgun. Könnunin var gerð dagana 16.-21. apríl. Frestur til að skila inn framboðum rennur út næstkomandi föstudag en átta höfðu skilað inn framboði með tilskyldum fjölda meðmælenda fyrir síðustu helgi. Í kjölfar frestsins, sem rennur út á föstudaginn, mun landskjörstjórn fara yfir öll framboð, athuga meðmælendalista og auglýsa loks endanlegan lista frambjóðenda fimmtudaginn 2. maí.

Baldur Þórhallsson mælist nú með mest fylgi frambjóðenda en 27,2% segjast ætla að kjósa hann. Katrín Jakobsdóttir er með næstmest fylgi og mælist með 23,8%. Halla Hrund Logadóttir er hins vegar hástökkvari milli kannana, en hún mælist nú með 18% fylgi, litlu meira en Jón Gnarr sem nýtur stuðnings 17,2% og er í fjórða sæti. Munurinn er hins vegar sáralítill milli þeirra og vikmörkin talsverð, svo milli þeirra sem nú eru í þriðja og fjórða sæti er ekki tölfræðilega marktækur munur. Vegna téðra vikmarka er heldur ekki tölfræðilegur munur á þeim tveimur í efstu sætunum. Baldur gæti verið með fylgi á bilinu 24,6 til 29,9%, en Katrín Jakobsdóttir með fylgi á bilinu 21,3-26,4%.

Aðrir frambjóðendur eiga á brattann að sækja ef marka má þessa könnun. Fimmta mesta fylgið hefur Halla Tómasdóttir sem mælist með 5,8% en aðrir frambjóðendur frá engu og upp í innan við 3%. Tæpar sex vikur eru nú til kjördags og er kosningabaráttan í raun rétt að hefjast. Því mun fylgi frambjóðenda vafalaust eiga eftir að breytast, jafnvel mikið, áður en gengið verður til kosninga laugardaginn 1. júní næstkomandi.

Línur teknar að skýrast í baráttunni um Bessastaði