medium

large

thumbnail

1536x1536

small

custom-size

Lítil Barnamenningarhátíð í Borgarnesi

Skallagrímur hélt lokahóf í körfunni

Vilja stækka Garðavöll um níu holur

Síðari umferð biskupskosningar hafin

2048x2048

Uppbyggingarsjóður SSV auglýsir eftir öndvegisverkefnum

Verkalýðsdagurinn haldinn hátíðlegur

core/paragraph

Hnefaleikafélag Akraness sendi tvo keppendur á vorbikarmótaröð Hnefaleikasambands Íslands í vetur en það voru þeir Viktor Orri Pétursson sem keppti í -57 kg flokki í U19 og Björn Jónatan Björnsson sem keppti í -60 kg í U17. Þeir sigruðu báðir í sínum flokkum og fengu glæsilega bikara í verðlaun. Bikarmótaröðin er með því sniði að haldin eru þrjú mót með tveggja vikna millibili og var það síðasta haldið í lok febrúar. Mjög vel var mætt á mótin og greinilegt að áhuginn fór vaxandi með hverju móti.

Íslandsmeistaramótið í hnefaleikum fór svo fram helgina 13.-14. apríl síðastliðinn þar sem Björn Jónatan varð Íslandsmeistari í sínum flokki en hann keppti til úrslita og sigraði með einróma dómaraákvörðun eftir sterka frammistöðu. Viktor Orri fékk ekki mótherja á Íslandsmótinu en fór upp um þyngdarflokk og keppti í upphitunarbardaga í -63,5 kg flokki í U19 þar sem hann bar sigur úr býtum.

Björn og Viktor hafa unnið sleitulaust að þessum árangri með stífum æfingum sex til sjö sinnum í viku í allan vetur og eru öðrum hnefaleikamönnum til fyrirmyndar með dugnaði sínum og elju. Þjálfari þeirra er Bjarni Þór Benediktsson.

Fengu gull á vorbikarmótaröð í hnefaleikum