medium

large

thumbnail

1536x1536

small

custom-size

Vilja stækka Garðavöll um níu holur

Síðari umferð biskupskosningar hafin

2048x2048

Uppbyggingarsjóður SSV auglýsir eftir öndvegisverkefnum

Verkalýðsdagurinn haldinn hátíðlegur

Vélarvana bátur úti af Mýrum

Réttindi barna varða okkur öll – lyklakippur til stuðnings Barnaheill

core/paragraph

Á vef Akraneskaupstaðar er nú að finna ítarlega kynningu bæjarstjórnar á hugmyndum um nýtt ráðhús/stjórnsýsluhús við Mánabraut, þar sem skrifstofuhús fyrrum Sementsverksmiðju stendur nú. Samkvæmt hugmyndum bæjarstjórnar verður það hús rifið og annað hús byggt á lóðinni. Auk starfsemi Ráðhúss er kynntur möguleika á leigu fyrir fleiri aðila, t.d. ríkisstofnanir og er þar einkum horft til starfsemi nýrrar heilsugæslustöðvar HVE. Því hefur bæjarstjórn unnið að því undanfarið að ná samtali við a.m.k. þrjá ráðherra í ríkisstjórn Íslands til að kynna verkefnið og fá ríkið til liðs við verkefnið.

Könnuð verður hagkvæmni þess að í nýju húsi sem reist verður verði m.a. heilsugæslustöð HVE: „Þegar nýr Landspítali við Hringbraut tekur til starfa, er fyrirséð að einhver verkefni munu flytjast þaðan og til þeirra sjúkrahúsa sem staðsett eru næst höfuðborginni. Bæjarstjórn vill vinna með Heilbrigðisstofnun Vesturlands að því að sjúkrahúsið hér á Akranesi verði tilbúið til að bæta við sig verkefnum og að fyrir liggi stækkunarmöguleikar fyrir sjúkrahúsið, sem m.a. myndu skapast ef starfsemi heilsugæslu færðist á annan stað í bænum. Þannig munum við ekki aðeins styrkja í sessi grundvallarþjónustu í okkar samfélagi, heldur einnig mikilvægan vinnustað á Akranesi og stuðla að því að störfum þar fjölgi,“ segir í tilkynningu frá bæjarstjórn.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/04/Baejarstjorn-kynnir-hugmyndir-ad-nyju-radhusi-vid-Manabraut_1-2-1200x800.jpg" alt="" class="wp-image-77252"/><figcaption>Núverandi skrifstofuhús Sementsverksmiðjunnar sem gert er ráð fyrir að verði rifið. Ljósm. mm.</figcaption></figure>

Þá segir í tilkynningu bæjarstjórnar að ef ofangreint tekst þá muni ekki aðeins einn vinnustaður (bæjarskrifstofur) flytja í miðbæinn; „heldur margir vinnustaðir sem veita íbúum fjölbreytta þjónustu. Þar að auki myndi þessi uppbygging auka líkurnar á því að ýmis þjónusta á vegum ríkisins haldist í bænum og störfin sem sú þjónusta skapar haldist eða þeim jafnvel fjölgi. Bæjarstjórn vill jafnframt velta upp öllum möguleikum sem uppbygging þessa húsnæðis getur skapað til að bæta þjónustu bæjarins við íbúa, svo sem með uppbyggingu menningar- og sýningarrýmis í húsinu og jafnvel flutningi fleiri þátta í þjónustu kaupstaðarins í þetta hús, en eingöngu starfsemi bæjarskrifstofunnar sjálfrar.“

Mikilvægur reitur við Mánabraut

Hugmynd bæjarstjórnar felst sem sagt í að nýtt stjórnsýsluhús verði byggt á Mánabraut 20, þar sem skrifstofuhús Sementsverksmiðjunnar stendur í dag. „Það hús sem rísa mun á þessari lóð kemur til með að gegna lykilhlutverki í því að tengja nýja byggð á Sementsreit við gamla miðbæinn og Akratorg. Aðeins eru tæplega 150 metrar frá Akratorgi að Mánabraut 20 og það skipulag sem er í gildi fyrir Sementsreit gerir ráð fyrir því að á þessu svæði, á milli Mánabrautar og Faxabrautar, rísi miðbæjarbyggð með verslunar- og þjónusturýmum auk þess að neðan Mánabrautar 20 er gert ráð fyrir opnu almenningsrými eða torgi í núverandi skipulagi. Í þessu húsi, þar sem gamli bærinn mætir þeim nýja, vill bæjarstjórn staðsetja þjónustu Akraneskaupstaðar.“

Landsbankahúsið of lítið

Fram kemur í kynningu bæjarstjórnar að nokkuð er síðan bæjarráð ákvað að setja Landsbankahúsið við Akratorg ásamt næstu lóð, Suðurgötu 47, í söluferli. „Útfærsla söluferlisins er nú á lokametrunum, en þar er m.a. gert ráð fyrir því að við mat á tilboðum vegi hugmyndir um útfærslu uppbyggingar og hvernig hún styðji við mannlíf og þjónustu í miðbænum á móti því verði sem boðið er. Það er ljóst að þarna er ekki verið að selja gamla Landsbankahúsið til niðurrifs, heldur til endurnýjunar í tengslum við uppbyggingu á nærliggjandi lóð. Það er því ljóst að bæjarstjórn ætlar sér ekki að færa bæjarskrifstofur Akraneskaupstaðar í gamla Landsbankahúsið miðað við núverandi áform.“ Fram kemur í rökstuðningi bæjarstjórnar að Landsbankahúsið er of lítið til að þjóna þeirri starfsemi sem felst í rekstri bæjarskrifstofu.

Fréttaveita Vesturlands

Bæjarstjórn kynnir hugmyndir að nýju ráðhúsi við Mánabraut