medium

large

thumbnail

1536x1536

2048x2048

small

custom-size

Byrjaði á beitningu í landi en stundar nú sjóinn

Engin lognmolla hjá Siggu Lóu

Aðalsteinn settur í embætti ráðuneytisstjóra

Diskóeyjan sýnd í Bíóhöllinni um miðjan maí

„Við eigum klárlega heima í Lengjudeildinni“

Til hamingju með daginn!

core/paragraph

Lúðrasveit Stykkishólms er jafngömul lýðveldinu og fagnar 80 ára afmæli í ár. Hún var stofnuð á sumardaginn fyrsta árið 1944. Haldið verður upp á afmælið með glæsilegri afmælisdagskrá í Stykkishólmskirkju fimmtudaginn 25. apríl, á sumardaginn fyrsta.

Það var einmitt á sumardaginn fyrsta árið 1944 sem Víkingur Jóhannsson fyrsti stjórnandi sveitarinnar stofnaði Lúðrasveitina ásamt fleira góðu fólki. Hann var jafnframt fyrsti skólastjóri Tónlistarskóla Stykkishólms, sem stofnaður var árið 1964 eða tuttugu árum síðar. Það voru félagar í Lúðrasveitinni sem stóðu fyrir stofnun hans og fagnar Tónlistarskólinn því einnig stórafmæli í vor. Verða þeim tímamótum gerð góð skil á skólaslitum fimmtudaginn 23. maí.

Skessuhorn hafði samband við Heimi Eyvindarson skólastjóra Tónlistarskólans og reyndar grunnskólans líka. Hann segir að Stykkishólmur búi svo sannarlega að því frumkvöðlastarfi sem stofnfélagar Lúðrasveitarinnar og síðar Tónlistarskólans stóðu fyrir á sínum tíma. Allar götur frá stofnun bæði sveitarinnar og skólans hafi tónlistarlíf í Hólminum verið í miklum blóma. Á þessu starfsári stunda rúmlega 100 nemendur nám við skólann undir handleiðslu sjö kennara. Um 40-50 nemendur eru í lúðrasveitinni, sem skiptist í nokkrar undirsveitir. Þeirra á meðal er Víkingasveit, sem nefnd er einmitt eftir áðurnefndum Víkingi Jóhannssyni (1921-1985).

Kristjón Daðason trompetleikari er deildarstjóri við Tónlistarskólann. Aðspurður segir hann að nú sé megin verkefni Lúðrasveitarinnar að undirbúa afmælisdagskrána á sumardaginn fyrsta, en alltaf sé mikið líf í starfseminni. Lúðrasveitin setur svip á mannlífið í Hólminum; heldur tónleika, spilar við ýmis hátíðleg tækifæri og er í fararbroddi skrúðgöngu á hátíðisdögum. Stutt er síðan farið var síðast utan í tónleikaferð og var það til Svíþjóðar.

Dagskráin í kirkjunni hefst á sumardaginn fyrsta kl. 14:00 og allir eru velkomnir meðan húsrúm leyfir.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/04/Tonlistarfolk-i-Stykkisholmi-fagnar-i-vor_2-1200x741.jpg" alt="" class="wp-image-77062" /><figcaption>Lúðrasveitin leikur fyrir hátíðargesti á Sjómannadaginn árið 1970, undir stjórn Víkings Jóhannssonar.</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/04/Tonlistarfolk-i-Stykkisholmi-fagnar-i-vor_3-1200x794.jpg" alt="" class="wp-image-77063" /><figcaption>Hér sést Lúðrasveitin leika undir stjórn Víkings. Fyrsti trompetleikari situr fremstur honum á hægri hönd. Það er Sæbjörn Jónsson sem fæddur var á Vegamótum á Snæfellsnesi og ólst að hluta til upp í Stykkishólmi. Hann var þekktur fyrir leik sinn og lék með Sinfóníuhljómsveit Íslands um áratuga skeið. Athygli vekur að tvær túbur eru í sveitinni og sjá má tvö baritónhorn við hlið þeirra. Barítónhorn er málmblásturshljóðfæri sem gegnir veigamiklu hlutverki í ýmiss konar hljómsveitum, svo sem lúðrasveitum og brassböndum.</figcaption></figure>

<figure class="wp-block-image size-large is-resized is-style-default"><img src="https://umsjon.skessuhorn.is/wp-content/uploads/2024/04/Tonlistarfolk-i-Stykkisholmi-fagnar-i-vor_4-1200x900.jpg" alt="" class="wp-image-77064" width="840" height="630" /><figcaption>Stykkishólmskirkja. Ljósm. gj</figcaption></figure>

Fréttaveita Vesturlands

Tónlistarfólk í Stykkishólmi fagnar í vor