medium

thumbnail

small

custom-size

Samþykktu tilboð Eflu í verkefnastjórn við byggingu íþróttahúss

large

1536x1536

Björgunarfélagið endurnýjar harðbotna slöngubát

Mikill áhugi fyrir að starfa í slökkviliðinu

Stækkun fyrirhuguð við leikskólann Ugluklett

Bekkir komnir á Breiðina

Frambjóðendur á ferð og flugi

core/paragraph

Kári og Þróttur Vogum mættust í undanúrslitaleik í B deild Lengjubikars karla í knattspyrnu í gærkvöldi og var viðureignin í Akraneshöllinni. Kári hafði unnið alla leiki sína í riðlinum og var þetta í fyrsta skiptið sem Kári kemst í undanúrslit í B deild. Fyrri hálfleikur var frekar tíðindalítill, liðin voru að þreifa fyrir sér og lítið um færi. Það hættulegasta kom undir lok fyrri hálfleiks þegar Mikael Hrafn Helgason átti góða sendingu yfir vörn gestanna á Hektor Bergmann Garðarsson í teignum sem skaut að marki en markvörður Þróttar varði vel í horn.

Seinni hálfleikur var vart hafinn þegar Kári komst yfir með fallegu marki. Máni Berg Ellertsson fékk þá boltann við vítateiginn og hamraði honum í fjærhornið. En gleðin yfir markinu var skammvinn því Þróttarar fengu ódýrt víti á 50. mínútu þegar boltinn fór í hönd varnarmanns Kára og dómarinn gat ekki annað en dæmt víti. Ásgeir Marteinsson þrumaði boltanum í þverslána og inn úr vítaspyrnunni og staðan orðin jöfn, 1-1. Ásgeir lék einmitt með Skagamönnum árin 2015-16 í Pepsi deildinni og spilaði 34 leiki og skoraði tvö mörk. Sigurmarkið í leiknum kom síðan korteri fyrir leikslok þegar áður nefndur Ásgeir fékk boltann við vítateigslínuna, hann tók boltann viðstöðulaust innan fótar með hægri og niðri í fjærhornið og staðan 1-2 fyrir Þrótti. Logi Mar Hjaltested markvörður Kára hefði líklegast átt að verja skotið en sá boltann að vísu seint og rétt missti af honum. Eftir þetta færðist enn meira fjör í leikinn og liðin sóttu af krafti á víxl. Káramenn færðu sig framar á völlinn og freistuðust til þess að ná jöfnunarmarkinu á meðan skyndisóknir gestanna voru alltaf hættulegar. Síðasta færi leiksins kom á síðustu sekúndunni þegar varamaðurinn Nikulás Ísar Bjarkason fékk boltann í teignum en þrumaði þó nokkuð langt framhjá. Lokatölur 1-2 fyrir Þrótti og Kári missti þar með af sæti í úrslitum í Lengjubikarnum á þessu tímabili.

Nú fá leikmenn Kára smá andrými fyrir næstu átök en keppni í 3. deild karla hefst föstudaginn 3. maí þegar Kári tekur á móti liði Elliða í Akraneshöllinni.

Kári úr leik í Lengjubikarnum eftir tap gegn Þrótti Vogum