medium

large

thumbnail

1536x1536

small

custom-size

Lítil Barnamenningarhátíð í Borgarnesi

Skallagrímur hélt lokahóf í körfunni

Vilja stækka Garðavöll um níu holur

Síðari umferð biskupskosningar hafin

2048x2048

Uppbyggingarsjóður SSV auglýsir eftir öndvegisverkefnum

Verkalýðsdagurinn haldinn hátíðlegur

core/paragraph

Fimmtudaginn 11. apríl var héraðsþing Héraðssambands Snæfellsness og Hnappadalssýslu haldið á Lýsuhóli. Töluvert margar tillögur voru lagðar fyrir þingið og ný lög HSH voru samþykkt samhljóða með breytingartillögu, en fyrst og fremst var verið að uppfæra lögin miðað við tíð og tíma en fyrri lög voru síðan 2008. Þá voru tillögur um arðgreiðslu og lottóuppgjör samþykktar samhljóða og skipting á afkomu af Landsmóti 50+ samþykktar með breytingartillögu. Þá voru einnig samþykktar samhljóða ýmsar þakkar- og hvatningartillögur.

Guðmunda Ólafsdóttir ávarpaði þingið fyrir hönd UMFÍ en að auki veitti hún, ásamt Auði Ingu Þorsteinsdóttur framkvæmdastjóra UMFÍ heiðursviðurkenningar. Ragnhildur Sigurðardóttir og hjónin Þóra Kristín Magnúsdóttir og Helgi Sigurmonsson voru sæmd starfsmerki UMFÍ. Öll hafa þau verið mjög virk í starfi Umf. Staðarsveitar í mörg ár og unnið þar gríðarlega mikilvægt starf. Að lokum var María Alma Valdimarsdóttir sæmd Gullmerki UMFÍ fyrir hennar störf í þágu Umf. Snæfells. María hefur setið í aðalstjórn félagsins frá árinu 1994 og alltaf verið boðin og búin til þess að aðstoða.

Viðar Sigurjónsson ávarpaði þingið fyrir hönd ÍSÍ en að auki veitti hann heiðursviðurkenningar. Þeir Bjarni Alexandersson og Gunnar Kristjánsson voru sæmdir Gullmerki ÍSÍ fyrir þeirra störf en þeir voru stofnfélagar í Hestamannafélaginu Snæfellingi. Þeir störfuðu báðir ötullega fyrir félagið um langt árabil. Þá var Kristján Ágúst Magnússon sæmdur Silfurmerki ÍSÍ en hann hefur verið virkur í starfi Ungmennafélagsins Eldborgar í mörg ár.

Að lokum var komið að stjórnarkjöri. Hjörleifur Kristinn Hjörleifsson gaf áfram kost á sér sem formaður HSH og var það samþykkt með lófaklappi. Laufey Bjarnadóttir og Kristfríður Rós Stefánsdóttir, sitjandi stjórnarmenn, gáfu áfram kost á sér til vinnu í stjórn HSH næstu tvö árin. Var það einnig samþykkt með lófaklappi. Stjórnin mun því starfa óbreytt fram að næsta héraðsþingi HSH.

Fréttaveita Vesturlands

Héraðsþing HSH var haldið á Lýsuhóli