medium

large

thumbnail

1536x1536

2048x2048

small

custom-size

Diskóeyjan sýnd í Bíóhöllinni um miðjan maí

„Við eigum klárlega heima í Lengjudeildinni“

Til hamingju með daginn!

Birna Ágústsdóttir sett sýslumaður á Vesturlandi

Drífa með gull og silfur á Íslandsmótinu

Sveitarfélagið Stykkishólmur gert upp með 40 milljóna króna tapi 2023

core/paragraph

Á fundi menningar- og markaðsnefndar Hvalfjarðarsveitar 9. apríl síðastliðinn var kynning og síðan umræður með Magnúsi Ver Magnússyni frá Félagi kraftamanna um verkefnið Víkingurinn 2024. Magnús Ver sat fundinn undir þessum dagskrárlið og þakkaði nefndin honum fyrir góða kynningu um verkefnið Víkingurinn 2024, keppni sterkustu manna landsins, sem fara mun fram á Vesturlandi dagana 28.-30. júní í sumar.

Góðar umræður fóru fram um verkefnið sem felur í sér að Hvalfjarðarsveit verður eitt af fjórum sveitarfélögum sem keppnin fari fram í og keppt verði í tveimur greinum í Hvalfjarðarsveit. Hin sveitarfélögin eru Stykkishólmur, Grundarfjörður og Snæfellsbær. Auk sjónvarpsútsendingar frá keppninni sjálfri er birting sjónvarpsefnis hjá RÚV sem skilað hefur góðri umfjöllun um hvern stað, staðhætti, sögu og annað menningartengt.

Menningar- og markaðsnefnd lagði til við sveitarstjórn að samþykkja þátttöku í verkefninu Víkingurinn 2024 með styrkveitingu að fjárhæð 250 þúsund króna auk kvöldmáltíðar fyrir þátttakendur, tökumann og stjórnanda. Á fundi sveitarstjórnar daginn eftir var tillaga menningar- og markaðsnefndar lögð fram, borin undir atkvæði og samþykkt með sjö atkvæðum.

Á síðasta ári var ákveðið að gera breytingar á þann veg að sameina kraftakeppnirnar Vestfjarðavíkinginn, Austfjarðatröllið og Norðurlands Jakann í eitt mót undir nafninu Víkingurinn og verður það árlegur viðburður. Fyrsta keppnin undir því nafni var haldin í júlí 2023 og fór hún fram í Ölfusi, Rangárþingi ytra, Múlaþingi og Fjarðabyggð.

Fréttaveita Vesturlands

Víkingurinn 2024 verður á Vesturlandi