medium

large

thumbnail

1536x1536

small

custom-size

Birna Ágústsdóttir sett sýslumaður á Vesturlandi

Drífa með gull og silfur á Íslandsmótinu

2048x2048

Sveitarfélagið Stykkishólmur gert upp með 40 milljóna króna tapi 2023

Ráðningarráð tekur til starfa hjá Akraneskaupstað

Erlendum grunnskólanemendum fjölgar

Borgarbyggð mun leiða starf Barnaverndarþjónustu Vesturlands

core/paragraph

Fjórði leikur Skallagríms og Þórs Akureyrar í átta liða úrslitum fyrstu deildar karla í körfuknattleik fór fram í gærkvöldi í stútfullu Fjósinu í Borgarnesi. Skallarnir voru komnir upp við vegg því staðan fyrir leik í einvíginu var 1-2 fyrir Þór. Því var aldeilis ljóst að heimamenn þurftu sigur til að knýja fram oddaleik en með tapi væri tímabilið einfaldlega búið.

Liðin skiptust á í byrjun að ná forystu og þegar sjö mínútur voru liðnar af leiknum var staðan 13:11 fyrir Skallagrími. Þá keyrðu heimamenn upp hraðann og komust í 19:11 áður en gestirnir náðu áttum og létu aðeins vita af sér, staðan 19:17 eftir fyrsta leikhluta.

Enn var allt í járnum í byrjun annars leikhluta og aðeins munaði þremur stigum á liðunum þegar tæpar sex mínútur voru liðnar, 34:31. Magnús Engill Valgeirsson gaf síðan tóninn þegar hann skoraði fimm stig fram að hálfleik og þar af eina þriggja stiga körfu en alls setti hann niður sjö þrista í leiknum úr 13 tilraunum. Þegar flautað var til hálfleiks var staðan 43:38 og Skallagrímsmenn með fín tök á leiknum.

Það sýndi sig fljótlega í þriðja leikhluta en í stöðunni 51:44 þegar þrjár mínútur voru liðnar náðu Skallagrímsmenn svaka 23-9 áhlaupi sem þýddi að staðan fyrir fjórða og síðasta fjórðung var 74:53. Á þessum kafla röðuðu heimamenn niður körfum að vild og fremstur í þeirra flokki var Magnús Engill sem bætti þarna þremur þristum við í safnið. Stemningin í Fjósinu magnaðist upp og Þórsarar náðu varla andanum út af öllum látunum.

Skallagrímur skoraði síðan fyrstu níu stigin í fjórða leikhluta og lýðnum ljóst að þarna var engin leið til baka fyrir gestina nema um Holtavörðu- og Öxnadalsheiði seinna um kvöldið. Staðan 83:53 eftir þriggja mínútna leik og eftir þetta var aldrei nein spurning hver færi með sigur af hólmi. Skallagrímur sigldi sigrinum örugglega í hús og vann að lokum með 26 stiga mun, lokatölur 99:73.

Magnús Engill Valgeirsson var stigahæstur hjá Skallagrími með 25 stig og Darius Banks var nálægt þrefaldri tvennu en hann skoraði 19 stig, tók 9 fráköst og var með 7 stoðsendingar. Sama má segja um fyrirliðann Björgvin Hafþór Ríkharðsson en hann skoraði 10 stig, tók 9 fráköst og var með 7 stoðsendingar. Þá skoruðu þeir Marinó Þór Pálmason og Ragnar Magni Sigurjónsson 10 stig hvor. Hjá Þór var Jason Gigliotti með 18 stig, Harrison Butler og Reynir Barðdal voru með 14 stig hvor og Smári Jónsson var með 11 stig.

Úrslitaleikurinn um sæti í undanúrslitum gegn ÍR fer fram næsta laugardag í Höllinni á Akureyri og hefst klukkan 19.15. Þar má búast við svaka stemningu, troðfullu húsi og vafalaust margir stuðningsmenn Skallagríms sem leggja leið sína norður á laugardaginn til að hvetja sitt lið til dáða.

Fréttaveita Vesturlands

Skallagrímur vann Þór og tryggði sér oddaleik