medium

thumbnail

small

custom-size

Afléttu þungatakmörkunum

large

1536x1536

2048x2048

Bylting að hafa tvær rúllur á einu kefli

Grunur um listeríu í brauðskinku

Bergur sýndi þolraun þegar hann safnaði fyrir Píeta-samtökin

Vorhátíð nemenda í hestamennsku haldin á Mið Fossum

Talsverður sinueldur í Mávahlíð í Borgarfirði – uppfært

core/paragraph

Fjölmenni var mætt í Menntaskóla Borgarfjarðar í gær en þá var haldin ráðstefna um nýsköpun í skólastarfi. Bragi Þór Svavarsson, skólameistari Menntaskóla Borgarfjarðar, setti ráðstefnuna með stuttu erindi um nýsköpun, framsýni og hversu mikilvægt það er að tala hátt um það góða sem er í gangi í skólum víðs vegar um landið.

Eðvar Ólafur Traustason, formaður fræðslunefndar Borgarbyggðar, var ráðstefnustjóri en hann kynnti á svið Ásmund Einar Daðason, mennta- og barnamálaráðherra. Ásmundur kom inn á STEM kennsluaðferðir, hversu mikilvægar þær eru, en þær byggja brýr úr kennslustofunni yfir á vinnumarkaðinn. Nemendur yrðu þá tilbúnari í umhverfið eftir skólann, bæði á vinnumarkaðinn en einnig í hvaða samfélag sem fyrrum nemandi stefnir á þátttöku í.

Martin Jónas Björn Swift, verkefnastjóri á sviði náttúru- og tæknigreinamenntunar á menntavísindasviði Háskóla Íslands steig því næst í pontu en hann fór örstutt yfir skilgreiningar á STEM og STEAM, hverjar væru kennsluaðferðir þeirra og hver væri munurinn á milli þessara tveggja aðferða.

Signý Óskarsdóttir, verkefnastjóri skólaþróunar hjá Menntaskóla Borgarfjarðar, fjallaði um reynslusögur úr tilraunakennslu STEAM áfanga í Mennaskóla Borgarfjarðar og ræddi um þær áskoranir og gleðistundir sem hafa verið meðal kennara og nemenda skólans í náminu.

Í lokin kom Helena Guttormsdóttir, lektor við landslagsarkitektabraut Landbúnaðarháskóla Íslands, með erindi um sína eigin reynslu úr mismunandi skólakerfum; hvernig hlutverk hafa breyst í gegnum tíðina og hverjar séu helstu áskoranir skóla nútímans.

Vinnustofur voru síðan að finna víða um skólann og má þar nefna vinnustofu um vísindi og listsköpun, vinnustofu um tónlist og forritun og vinnustofur um stærðfræði og listsköpun.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2024/04/Radstefnan-Nyskopun-i-skolastarfi-haldin-i-Menntaskola-Borgarfjardar_2-1200x900.jpg" alt="" class="wp-image-77116"/><figcaption>Ásmundur Daði Einarsson, mennta- og barnamálaráðherra.</figcaption></figure>

Fréttaveita Vesturlands

Ráðstefnan Nýsköpun í skólastarfi haldin í Menntaskóla Borgarfjarðar