medium

large

thumbnail

1536x1536

small

custom-size

Birna Ágústsdóttir sett sýslumaður á Vesturlandi

Drífa með gull og silfur á Íslandsmótinu

2048x2048

Sveitarfélagið Stykkishólmur gert upp með 40 milljóna króna tapi 2023

Ráðningarráð tekur til starfa hjá Akraneskaupstað

Erlendum grunnskólanemendum fjölgar

Borgarbyggð mun leiða starf Barnaverndarþjónustu Vesturlands

core/paragraph

Skagakonur léku síðasta leik sinn í B deild Lengjubikarsins á þessu tímabili í gærkvöldi þegar þær mættu Gróttu á Vivaldivellinum á Seltjarnarnesi. Leikurinn var frekar jafn frá byrjun og liðin skiptust á að vera með yfirhöndina. Fyrsta markið í leiknum kom á 29. mínútu eftir varnarmistök gestanna og datt boltinn fyrir fætur Lovísu Davíðsdóttur Scheving sem setti hann í netið. Aðeins þremur mínútum síðar flikkaði Juliana Marie Paoletti leikmaður ÍA boltanum inn á teiginn beint fyrir fætur Ernu Bjartar Elíasdóttur sem kláraði færið vel. Hennar sjöunda mark í Lengjubikarnum og hún endaði sú þriðja markahæsta. Eftir markið sóttu liðin á víxl en staðan jöfn í hálfleik, 1-1.

Skagakonur voru sterkari í seinni hálfleik og fengu nokkur góð færi sem þær náðu ekki að nýta. Þær skoruðu mark en það var dæmt af vegna rangstöðu sem þótti vafasamur dómur. Undir lok leiksins lágu þær gulu í sókn og voru óheppnar að skora ekki. Á síðustu mínútu leiksins áttu gestirnir svo að fá vítaspyrnu þegar leikmaður Gróttu handlék knöttinn inn í markteig eftir hornspyrnu en ekkert var dæmt. Lokatölur 1-1 og smá svekkelsi hjá Skagakonum að hafa ekki tekið öll þrjú stigin.

Afturelding varð sigurvegari í B deildinni með 14 stig, Grindavík var í öðru sæti með 11 stig og ÍA og HK í 3.-4. sæti með 10 stig. Skagakonur unnu tvo leiki, gerðu fjögur jafntefli og töpuðu einum sem ætti að gefa ágætis fyrirheit fyrir Lengjudeildina sem hefst í byrjun maí. Næsta verkefni ÍA er í fyrstu umferð í Mjólkurbikarnum næsta mánudag þegar þær taka á móti liði Selfoss sem leikur í Lengjudeildinni. Leikurinn verður í Akraneshöllinni sem verður heimavöllur Skagakvenna í sumar og hefst klukkan 19.15.

Grótta og ÍA skildu jöfn í Lengjubikarnum