Í þessari viku hefur verið í gangi í Grundaskóla á Akranesi skemmtileg þemavinna um fjölmenningu í skólanum. Fjölbreytt vinna fór fram þessa daga þar sem nemendum var skipt upp í 24 hópa en alls koma nemendur frá 24 löndum sem stunda nám við Grundaskóla og telst Ísland þar ekki með. Í morgun lauk þemavinnunni með allsherjar skrúðgöngu í kringum skólann og lauk með dansi þar sem nemendur og starfsmenn skólans tóku þátt af miklum móð.