medium

large

thumbnail

small

custom-size

Frambjóðendur á ferð og flugi

Fundur haldinn vegna verkefnisins Gott að eldast

1536x1536

Sólarhylling heldri borgara

2048x2048

Ellefu gild framboð til embættis forseta Íslands

Naumt tap ÍA gegn FH í spjaldaleik

Kúalaug á Reykhólum fær myndarlegan styrk

core/paragraph

Enskumælandi ráð í Mýrdalshreppi er handhafi Landstólpans, samfélagsviðurkenningar Byggðastofnunar, fyrir árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík í gær og er þetta í þrettánda sinn sem hún er veitt. Landstólpann hafa hlotið einstaklingar, fyrirtæki og hópar sem þykja hafa skarað fram úr í verkefnum sínum og störfum. „Markmið með Landstólpanum er að efla skapandi hugsun og bjartsýni og er viðurkenningin því hugsuð sem nokkurs konar hvatningar- og bjartsýnisverðlaun,“ segir í tilkynningu frá Byggðastofnun. Viðurkenning þessi hefur á undanförnum þrettán árum runnið til allra landshluta, utan Vesturlands.

Íbúum í Mýrdalshreppi hefur fjölgað hratt undanfarinn áratug og er fjölgunin að stórum hluta borin uppi af innflytjendum en rúmlega helmingur íbúa í sveitarfélaginu er af erlendu bergi brotinn. Árið 2022 var enskumælandi ráð sett á laggirnar í Vík í ljósi þess að fjöldi erlendra íbúa á kjörskrá fjórfaldaðist í kjölfar breytinga á kosningalögum. Í stað þess að hafa þurft að búa á staðnum í fimm ár til að vera gjaldgeng í sveitarstjórnarkosningum þurfti eingöngu að hafa búið þar í þrjú ár.

Ráðið skipa sjö fulltrúar af sex þjóðernum, sem endurspeglar hið fjölbreytta samfélag í Vík en þar býr fólk af um 20 þjóðernum. Viðtökur íbúa við ráðinu hafa verið góðar og var strax mikill áhugi fyrir því að sitja í ráðinu. Hugmyndinni að ráðinu var komið út í umræðuna fyrir kosningar, haldnir fundir á ensku og kosningaefni gefið út á ensku og íslensku.

Enskumælandi ráð Mýrdalshrepps hlaut Landstólpann